ہم نہایت خوفناک دنوں سے گزر رہے ہیں:صیہونی میڈیا

28 فروری 2023

سچ خبریں:ایسے میں جب حالیہ دنوں میں مقبوضہ علاقوں میں کشیدگی میں اضافہ ہو رہا ہے، صیہونی اندرونی حلقوں میں نیتن یاہو کی کابینہ پر تنقید میں شدت پیدا ہوگئی ہے۔

شہاب نیوز ویب سائٹ کے مطابق صہیونی حلقوں نے حالیہ دنوں میں مقبوضہ علاقوں میں پیدا ہونے والے کشیدہ حالات پر تنقید کرتے ہوئے نیتن یاہو کی کابینہ کو اس صورتحال کا ذمہ دار قرار دیا ہے،اس حوالے سے اسرائیل ہیوم اخبار نے اپنی ایک رپورٹ میں لکھا ہے کہ ہم خوف اور دہشت سے بھرے دن جی رہے ہیں، حملے کے بعد حملے، آپریشن کے بعد آپریشن، ان واقعات کی وجہ سے اسرائیل کی سکیورٹی اور ملٹری سروسز کو مکمل چوکس کر دیا گیا ہے۔

واضح رہے کہ حالیہ دنوں میں نابلس پر صیہونی افواج کے وحشیانہ حملے کے بعد فلسطینیوں نے مزاحمتی کاروائیاں تیز کر دی ہیں، دو روز قبل نابلس کے جنوب میں واقع حوارہ بستی کے مرکز میں ایک فلسطینی نوجوان نے دو صیہونی آباد کاروں کی گاڑی کا راستہ روک کر انہیں گولی مار کر ہلاک کر دیا۔ اس آپریشن کا آپریٹر زخمی ہوئے بغیر آپریشن کی جگہ سے نکلنے میں کامیاب رہا۔

گزشتہ روز عبرانی ذرائع ابلاغ نے مغربی کنارے میں اریحا شہر کے قریب صیہونی مخالف آپریشن میں ایک صیہونی کی ہلاکت اور متعدد دیگر کے زخمی ہونے کی خبر دی جبکہ شہر کے مکمل فوجی محاصرے کے باوجود اس آپریشن کے فلسطینی آپریٹر کو ابھی تک گرفتار نہیں کیا جا سکا ہے۔