ہسپانیہ کے وزیر اعظم کی فلیٹ آف ریزسٹنس کے عملے سے بدسلوکی پر بین گویر کی مذمت

سچ خبریں:ہسپانیہ کے وزیر اعظم پیڈرو سانچز نے صیہونی حکومت کے وزیر داخلہ اتمار بین گویر کے اس اقدام کو شدید الفاظ میں مذمت  کی ۔

انہوں نے کہا ہے کہ غزہ امدادی قافلے فلیٹ آف ریزسٹنس کے زیر حراست ارکان کے ساتھ ان کا گستاخانہ اور غیر انسانی سلوک قطعاً قابل قبول نہیں ہے۔

سانچز نے بین گویر کی جانب سے قافلے کے ارکان کی توہین کرتے ہوئے جاری کردہ تصاویر کو مسترد کرتے ہوئے کہا کہ یہ حرکات عالمی اصولوں کے خلاف ہیں۔ ان سے قبل ہسپانوی حکومت نے صیہونی حکومت کے مادرید میں تعینات سفیر کو طلب کرنے کا فیصلہ کیا تھا، تاکہ فلسطینی امدادی کارکنوں کے ساتھ کی جانے والی بدسلوکی پر احتجاج ریکارڈ کیا جا سکے۔

واضح رہے کہ سوشل میڈیا پر وائرل ہونے والی تصاویر میں دیکھا جا سکتا ہے کہ صیہونی فوجیوں نے ’فلیٹ آف ریزسٹنس‘ کے کارکنوں کو حراست میں لینے کے بعد ان کے ساتھ انتہائی جارحانہ اور ذلت آمیز برتاؤ کیا۔ بین گویر خود بھی ان کارکنوں کے ساتھ بدسلوکی اور غیر انسانی سلوک کرتے ہوئے دیکھے گئے، جس نے دنیا بھر میں شدید غم و غصے کو جنم دیا ہے۔