صیہونی جیلوں میں تقریباً 100 قیدی ہلاک؛صیہونی اخبار کا اعتراف

?️ 26 مئی 2026

سچ خبریں:صہیونی اخبار ہارٹیز نے انکشاف کیا ہے کہ ایتمار بن گویر کے دور ذمہ داری میں صیہونی جیلیں تشدد کیمپوں میں تبدیل ہو گئیں جبکہ تقریباً 100 افراد ہلاک ہو چکے ہیں۔

ایک صہیونی میڈیا رپورٹ میں انکشاف کیا گیا ہے کہ ایتمار بن گویر کے دور ذمہ داری میں صیہونی جیلوں کے اندر تقریباً 100 افراد اپنی جانوں سے ہاتھ دھو بیٹھے۔

المیادین نیوز چینل کی رپورٹ کے مطابق صہیونی اخبار ہارٹیز نے رپورٹ دی ہے کہ گزشتہ ڈھائی برسوں کے دوران صیہونی جیلوں میں 98 افراد ہلاک ہوئے ہیں۔

رپورٹ میں مزید کہا گیا کہ اسرائیل کے داخلی سلامتی کے وزیر ایتمار بن گویر اور صیہونی جیل اتھارٹی کے سربراہ کوبی یعقوبی کے دور میں صیہونی جیلیں عملی طور پر تشدد کے مراکز اور ٹارچر کیمپوں میں تبدیل ہو چکی ہیں۔

رپورٹ کے مطابق گزشتہ چند دنوں کے دوران بن گویر کے غیر انسانی رویے نے بھی عالمی سطح پر شدید ردعمل پیدا کیا۔ خاص طور پر عالمی صمود فلوٹیلا کے مسافروں کے ساتھ ان کے ناروا سلوک اور اس حوالے سے ایک ویڈیو کی اشاعت کے بعد دنیا بھر میں مذمت کا سلسلہ شروع ہو گیا اور متعدد ممالک نے ان اقدامات کی سخت الفاظ میں مذمت کی۔