ہزاروں فلسطینی مسجد اقصی میں نماز جمعہ میں شریک

?️ 21 مئی 2021

سچ خبریں:صیہونی حکومت کے خلاف فلسطینی مزاحمت تحریک کی فتح کے موقع پر آج ہزاروں فلسطینیوں نے مسجد اقصیٰ میں نماز جمعہ میں شرکت کی۔
فلسطین ٹوڈےکی رپورٹ کے مطابق صیہونی حکومت کے خلاف فلسطینی مزاحمتی تحریک کی فتح کے موقع پر آج ہزاروں فلسطینیوں نے مسجد اقصیٰ میں نماز جمعہ میں شرکت کی،رپورٹ کے مطابق ، فلسطینیوں نے مسجد اقصی میں نماز جمعہ کے بعد بڑےپیمانے پر مظاہرے کرکے قدس تلوار کی لڑائی میں صیہونی حکومت کے خلاف مزاحمتی گروپوں کی فتح کا جشن منایا، ادھر کہا جاتا ہے کہ بیروت میں لوگوں نے صیہونی حکومت کے خلاف فلسطینی مزاحمت کی فتح کا جشن منانے کے لئے ریلی نکالی ۔

یادرہے کہ قبل ازیں حماس کے سینئر رکن اسامہ ہمدان نے کہا تھا کہ فلسطینی مزاحمتی گروپ صیہونی دشمن کے خلاف جنگ میں ایک نئی مساوات حاصل کرنے میں کامیاب رہے ہیں،واضح رہے کہ ثالثین کے توسط سے ، حماس کو صیہونی حکومت کی طرف سے یہ یقین دہانی موصول ہوئی ہے کہ وہ غزہ میں ہونے والی جارحیت کو روک دے گی نیز شیخ جراح اور مسجد اقصیٰ میں بھی اشتعال انگیز کاروائیاں نہیں ہوں گی۔

قابل ذکر ہے کہ فلسطین میں مزاحمتی گروپوں کے لئے شامی صدر بشار الاسد کی حمایت کا ذکر کرتے ہوئے انہوں نے زور دے کر کہاکہ مزاحمت کی حمایت کرنے میں اسد کا مؤقف حیرت انگیز نہیں ہے، یہ فطری بات ہے کہ ان حالات میں حماس اور دمشق کے درمیان تعلقات اپنی سابقہ حالت میں واپس آجائیں گے،یاد رہے کہ شام کے صدر بشار الاسد نے کھل کر فلسطینی مجاہدین کی حمایت کی تھی۔