ہاتھ پر ہاتھ دھرے بیٹھے نہیں رہیں گے:یمنی عہدیدار

28 اگست 2022

سچ خبریں:یمن کی سپریم پولیٹیکل کونسل کے رکن نے کہا کہ ہمارے دشمن کی حرکتیں ہمیں عظیم جنگ اور فتح کی تیاری سے نہیں روک سکیں گی، دشمن کی طرف سے جنگ بندی کی خلاف ورزیاں محاذوں کو متحرک رکھنے کے لیے محرک کا کام کرتی ہیں۔

المیادین چینل کی رپورٹ کے مطابق یمنی سپریم پولیٹیکل کونسل کے رکن محمد علی الحوثی نے کہا کہ "ہمارے دشمن کی حرکتیں ہمیں ایک عظیم جنگ اور فتح کی تیاری سے نہیں روک سکیں گی جبکہ دشمن کی طرف سے جنگ بندی کی خلاف ورزیاں محاذوں کو متحرک رکھنے میں اہم کردار ادا کرتی ہیں۔

انہوں نے مزید کہا کہ اگر جنگ، جارحیت اور محاصرے کو ختم کرنے کا سنجیدہ عزم نہ کیا گیا تو جنگ جاری رہے گی،الحوثی نے کہا کہ ہم دشمن کی دھمکیوں اور ہتھیاروں سے خوفزدہ نہیں ہیں اور ہماری عوام اس سے باخبر ہیں نیز ہم اس سے نمٹنا جانتے ہیں۔

انہوں نے کہا کہ ہم نے جنگ بندی کو قبول کیا کیونکہ ہم جنگ جاری نہیں رکھنا چاہتے لیکن اگر یمن کا محاصرہ اور جارحیت جاری رہی تو ہم خاموش نہیں رہیں گے، صیہونی فوجی حکام کے اس دعوے کا حوالہ دیتے ہوئے کہ انہوں نے حال ہی میں تین روزہ جنگ کے دوران یمن پر بھی حملے کیے ہیں حملہ کیا ہے، الحوثی نے تاکید کی کہ ہماری دلی تمنا اسرائیلی دشمن کا براہ راست مقابلہ کرنا ہے۔