گزشتہ چند دنوں کی کارروائیوں نے صیہونیوں کی کمزوریوں کو ثابت کردیا:فلسطینی میڈیا

?️ 18 اکتوبر 2022

سچ خبریں:فلسطینی میڈیا نے مغربی کنارے اور یروشلم میں مزاحمتی تحریک کی کارکردگی کا جائزہ لیتے ہوئے اس بات پر زور دیا کہ گزشتہ چند دنوں میں فلسطینی گروہوں کی کارکردگی نے سب پر ثابت کر دیا کہ اسرائیلی فوج کتنی کمزور ہے۔

فلسطین نیوز چینل نے مغربی کنارے اور یروشلم میں فلسطینی نوجوانوں کی جدوجہد کی تاثیر کے بارے میں ایک تجزیاتی رپورٹ پیش کرتے ہوئے کہا کہ مغربی کنارے میں صیہونی فوجی چوکیوں کو نشانہ بنانے اور قابض فوج پر براہ راست فائرنگ کے واقعات میں حال ہی میں تیزی سے اضافہ ہوا ہے جس سے یہ ثابت ہوتا ہے صیہونی فوجی فلسطینی مجاہدین کے حصار میں ہیں اور اس طرح وہ انہیں ہلاک اور زخمی کرتے ہیں۔

رپورٹ میں اس بات پر زور دیا گیا ہے کہ گزشتہ ہفتے کے دوران ہم نے فائرنگ کی دو کارروائیوں کا مشاہدہ کیا، ایک مشرقی یروشلم میں شعفاط کیمپ کی چوکی پر اور دوسری نابلس کے قریب شاوی شیمرون کے علاقے میں، جو 48 گھنٹے سے بھی کم عرصے میں ہوئیں،اس دوران ان دونوں کارروائیوں کے موقع پر موجود صہیونی فوجی مختلف طرفوں سے فلسطینی مجاہدین کی فائرنگ کا نشانہ بنے۔

اس رپورٹ کے مطابق اس حقیقت کے باوجود کہ یہ دونوں آپریشن مختلف اوقات اور مقامات پر کیے گئے،تاہم نتائج، کاروائیں کے طریقے اور انہیں انجام دینے والے مجاہدین کی کامیابی کے ساتھ بچ جانے لحاظ سے ایک جیسے ہیں۔

یاد رہے کہ دونوں حملوں میں نوجوان مجاہدین آپریشن کے مقام تک پہنچنے میں کامیاب ہو گئے اور مسلح اسرائیلی فوجیوں کے قریب ترین مقام پر نمودار ہوئے نیز تقریباً صفر کے فاصلے سے صیہونی فوجیوں پر گولیاں برسائیں اور حیرانی کے عالم میں آپریشن کی جگہ سے بحفاظت فرار ہو گئے۔