چین میں خوفناک زلزلے کے متاثرین کی تعداد

19 دسمبر 2023

سچ خبریں: چین میں کئی زلزلے آئے جن میں سے سب سے زیادہ شدید زلزلے کی شدت ریکٹر اسکیل پر 6.2 بتائی گئی جس کے نتیجے میں کم از کم 116 افراد ہلاک ہوئے۔

روئٹرز خبر رساں ادارے کی رپورٹ کے مطابق چین کے گانسو اور چنگھائی صوبوں میں آنے والے زلزلوں کے نتیجے میں کم از کم 116 افراد ہلاک اور 230 زخمی ہو گئے۔

یہ بھی پڑھیں: ترکی زلزلے میں 31 ہزار ہلاک

چین کے قومی ٹیلی ویژن کے مطابق گانسو میں ہلاک اور زخمی ہونے والوں کی تعداد بالترتیب 105 اور 186 تک پہنچ گئی ہے جبکہ صوبہ چنگھائی میں متاثرین کی تعداد 11 بتائی گئی ہے۔

چین کے صدر شی جن پنگ نے ریسکیو اور ریلیف ٹیموں کو ضروری اقدامات کرنے کا حکم جاری کیا ہے، ساتھ ہی ساتھ زلزلے کے ممکنہ آفٹر شاکس کا مقابلہ کرنے اور ملبے کو ہٹانے کا حکم جاری کیا ہے۔

اس سے قبل چائنا سینٹرل ٹیلی ویژن نے اس خوفناک زلزلے کے نتیجے میں کم از کم 97 افراد کی ہلاکت اور 236 زخمی ہونے کا اعلان کیا تھا۔

مزید پڑھیں: ترکی میں 6 فروری کو آنے والے زلزلے کے بعد 13 ہزار آفٹر شاکس

اس زلزلے کے مرکز (10 کلومیٹر گہرائی) اور قریبی علاقوں میں رہائشی مکانات، سڑکیں اور دیگر انفراسٹرکچر تباہ ہو گئے ہیں نیز پانی اور بجلی کی فراہمی میں بھی خلل پڑا ہے۔