چلی کے 650 وکلاء کی صیہونی حکومت کے خلاف بین الاقوامی فوجداری عدالت میں شکایت

13 مارچ 2024

سچ خبریں: چلی کے متعدد وکلاء نے غزہ میں جنگی جرائم کے ارتکاب پر صیہونی حکومت کے خلاف مقدمہ دائر کیا۔

چلی کے 650 سے زائد وکلاء نے ہیگ میں واقع بین الاقوامی فوجداری عدالت میں صیہونی حکومت اور اس کے وزیراعظم بنیامین نیتن یاہو کے خلاف شکایت درج کرائی۔

یہ بھی پڑھیں: ہیگ کی عدالت نے انسانیت کے حق میں فیصلہ سنایا

یہ شکایت غزہ کی پٹی اور مغربی کنارے میں فلسطینی عوام کے خلاف صیہونی قابضین کے نسل کشی پر مبنی اور انسانیت سوز جرائم کی وجہ سے درج کی گئی ہے۔

یہ شکایت وکلاء کے ایک گروپ نے دائر کی ہے جس کی سربراہی نیلسن حداد کر رہے ہیں جو مصر، عراق اور اردن میں چلی کے سابق سفیر رہ چکے ہیں۔

حداد نے بتایا کہ لاطینی امریکی ممالک سے مزید وکلاء کا اس مقدمے میں شامل ہونے کا امکان ہے۔

مزید پڑھیں: رفح پر صیہونیوں کے ممکنہ حملے کے بارے میں عالمی عدالت کا ردعمل

یاد رہے کہ اس سے پہلے جنوبی افریقہ نے صیہونی حکومت کے ہاتھوں فلسطینیوں کی نسل کشی کیے جانے کی وجہ سے اس حکومت کے خلاف مذکورہ عالمی عدالت انصاف میں دو بار شکایت درج کی ہے اگرچہ اس حکومت کے خلاف کوئی عملی اقدام نہیں ہوا لیکن اس عالمی سطح پر اس کی ساکھ ضرور خراب ہوئی ہے جس کی وجہ سے صیہونیوں میں شدید اختلاف پیدا ہوا ہے۔