?️
ٹرمپ کا برطانیہ کے فلسطین کو تسلیم کرنے کے فیصلے پر ردعمل
امریکی صدر ڈونلڈ ٹرمپ نے کہا ہے کہ ان کی برطانوی وزیر اعظم کیئر اسٹارمر سے ستمبر میں فلسطین کو بطور ریاست تسلیم کرنے کے منصوبے پر کوئی بات چیت نہیں ہوئی۔ انہوں نے واضح کیا کہ وہ اس فیصلے سے متفق نہیں ہیں۔
ایرنا کے مطابق، ٹرمپ نے ایئر فورس ون میں صحافیوں سے گفتگو کرتے ہوئے کہا برطانیہ کے فلسطین کو تسلیم کرنے کے فیصلے پر ہم نے کوئی بات نہیں کی۔ اور ہم اس کے حامی نہیں ہیں۔
انہوں نے برطانوی حکومت کے اس عندیے پر کہ اگر اسرائیل نے جنگ بند نہ کی اور انسانی امداد کی اجازت نہ دی، تو فلسطین کو ریاست کے طور پر تسلیم کیا جائے گا، تبصرہ کرنے سے گریز کرتے ہوئے کہا: "میرے پاس اس بارے میں کوئی رائے نہیں۔”
ٹرمپ، جن کا ملک اسرائیل کو ہر ممکن فوجی و سیاسی امداد فراہم کر رہا ہے، نے ایک "انسانی” مؤقف اپناتے ہوئے کہا کہ غزہ کی صورتحال المناک ہے۔ "بچے بھوکے مر رہے ہیں۔ جو کوئی بھی یہ مناظر دیکھ کر متاثر نہ ہو، وہ یا تو بے حس ہے یا پاگل۔”
انہوں نے کہا کہ امریکہ اور اسرائیل غزہ میں خوراک کی تقسیم کے مراکز پر مل کر کام کر رہے ہیں۔ انہوں نے مزید دعویٰ کیا: "ہم بچوں کو کھانا دے رہے ہیں۔ میری بیوی ملانیا کا بھی خیال ہے کہ غزہ کی صورتحال تباہ کن ہے۔
ٹرمپ نے کہا کہ وہ اسرائیلی وزیر اعظم نیتن یاہو سے اس بات کو یقینی بنانے کا مطالبہ کریں گے کہ غزہ کے بچوں کو خوراک دی جائے۔ "میں چاہتا ہوں کہ وہ اس بات کی ضمانت دے کہ بچوں کو خوراک ملے گی۔
فلسطین کو تسلیم کرنے کے لیے برطانیہ و فرانس کی پیش قدمی
برطانوی وزیر خارجہ ڈیوڈ لیمی نے اقوام متحدہ میں منعقدہ فلسطین کانفرنس کے دوران اعلان کیا کہ برطانیہ ستمبر میں فلسطین کو اقوام متحدہ میں ریاست کے طور پر تسلیم کرے گا۔ وزیر اعظم کیئر اسٹارمر نے بھی اس اقدام کی حمایت کی ہے۔
اسی طرح، فرانسیسی صدر ایمانویل میکرون نے بھی کہا کہ ان کی حکومت ستمبر میں فلسطین کو بطور ریاست تسلیم کرے گی۔ میکرون کا کہنا تھا کہ یہ فیصلہ تاریخی ذمہ داری کے تحت لیا گیا ہے۔
ٹرمپ نے روس پر دباؤ بڑھاتے ہوئے کہا کہ وہ صدر ولادیمیر پوتن کو صرف 10 دن کی مہلت دے رہے ہیں تاکہ یوکرین کے ساتھ امن معاہدہ کیا جائے، بصورت دیگر امریکہ روس پر اضافی تجارتی پابندیاں عائد کرے گا۔
انہوں نے کہا پوتن نے ایک موقع گنوا دیا۔ میں مایوس ہوں۔ ہر بار جب لگتا ہے کہ جنگ ختم ہونے والی ہے، وہ پھر سے بمباری شروع کر دیتا ہے۔
ٹرمپ نے دعویٰ کیا کہ چینی صدر شی جن پنگ نے ان سے ملاقات کی خواہش ظاہر کی ہے اور امکان ہے کہ یہ ملاقات سال کے اختتام سے قبل ہو۔
Short Link
Copied


مشہور خبریں۔
کیا انگلینڈ اور امریکہ کے درمیان معدنی معاہدے پرسمجھوتا ہوگا ؟
?️ 4 مارچ 2025سچ خبریں: Tagus Shaw اخبار کے مطابق، برطانوی حکومت نے اعلان کیا
مارچ
امریکہ کے تزویراتی تیل ذخائر ۱۹۸۳ کے بعد کم ترین سطح پر
?️ 16 جون 2026سچ خبریں:پیر کے روز جاری ہونے والے تازہ وفاقی اعداد و شمار
جون
امریکہ انسانی حقوق کے نظام کو کمزور کر رہا ہے: نیویارک ٹائمز
?️ 2 اکتوبر 2025سچ خبریں:امریکہ فلسطینی حقوق کے لیے کام کرنے والی انسانی حقوق کی
اکتوبر
معیشت کا بھٹہ ہم نے نہیں بٹھایا تو ہم ذمہ داری کیوں لیں:رانا ثناءاللہ
?️ 21 مئی 2022اسلام اباد (سچ خبریں)وفاقی وزیر داخلہ راناثنااللہ کا کہنا ہے کہ عمران خان کو
مئی
فلسطینی چیف جسٹس اور امام مسجد اقصیٰ کی سردار محمد یوسف سے ملاقات
?️ 4 ستمبر 2025لاہور (سچ خبریں) فلسطین کے چیف جسٹس ڈاکٹر محمود صدقی عبدالرحمان الہباش
ستمبر
طالبان کا مقابلہ کرنےکے بہانے امریکی فوج کے ہاتھوں بیس افغان عام شہری ہلاک
?️ 9 اگست 2021سچ خبریں:طالبان کے ساتھ مقابلہ کرنے کے بہانے امریکی دہشتگردوں نے افغانستان
اگست
بزدل بھارت پانی کو ہتھیار بنا کر بہادر بننا چاہتا ہے۔ احسن اقبال
?️ 7 ستمبر 2025نارووال (سچ خبریں) وفاقی وزیر منصوبہ بندی احسن اقبال نے کہا ہے
ستمبر
غزہ کی جنگ کا اصلی مقصد کون ہے؟ UNRWAکی رپورٹ
?️ 13 مارچ 2024سچ خبریں: UNRWA نے زور دیا ہے کہ غزہ میں جاری جنگ
مارچ