ایران کے خلاف حملے بند نہ کرنے پر امریکی سنیٹر کی ٹرمپ کو دھمکی

سچ خبریں: امریکی کانگریس کی ڈیموکریٹک نمائندہ رو خانا نے ٹرمپ انتظامیہ کی جانب سے ایران کے خلاف جاری جارحانہ کارروائیوں کو شدید الفاظ میں مسترد کرتے ہوئے کہا ہے کہ یہ حملے کانگریس کی اس قرارداد کی خلاف ورزی ہیں جو قانون سازوں کی منظوری کے بغیر مزید فوجی کارروائیوں کو محدود کرتی ہے۔

انہوں نے سوشل میڈیا پر ایک پوسٹ میں لکھا کہ یہ حملے جنگی اختیارات کی قرارداد کی صریح خلاف ورزی ہیں جسے ہم نے منظور کیا تھا۔ ٹرمپ کو ابھی یہ جنگ بند کرنی چاہیے، ورنہ ہم انہیں عدالت میں گھسیٹیں گے تاکہ وہ ایسا کرنے پر مجبور ہوں۔

یہ بیان اس وقت سامنے آیا جب امریکی کانگریس نے ایک قرارداد منظور کی تھی جس کے تحت صدر کو یا تو ایران کے خلاف فوجی کارروائیاں روکنے کا پابند کیا گیا تھا، یا مزید کارروائی کے لیے کانگریس سے اجازت لینا لازمی قرار دیا گیا تھا۔ اگرچہ سینیٹ نے بھی ٹرمپ کے جنگی اختیارات کو محدود کرنے کی اس قرارداد کے حق میں ووٹ دیا تھا، لیکن ڈونلڈ ٹرمپ کے دباؤ پر ایک روز بعد دوبارہ ووٹنگ میں اس قرارداد کو مسترد کر دیا گیا اور اسے منظور نہیں کیا گیا۔

واضح رہے کہ ایران کی مسلح افواج نے امریکہ کی جانب سے ملک کے خلاف مسلسل جارحانہ کارروائیوں کے جواب میں علاقے میں امریکی اڈوں کو نشانہ بنایا ہے۔