ٹرمپ جمہوریت کے لیے بہت بڑا خطرہ ہیں:بائیڈن

8 جنوری 2022

سچ خبریں:امریکی صدر جوبائیڈن نے اس ملک کے سابق صدر ڈونلڈ ٹرمپ کو جمہوریت کے لیے بہت بڑا خطرہ قرار دیاہے۔
ایسوسی ایٹڈ پریس کی رپورٹ کے مطابق امریکی صدر جوبائیڈن نے کہا ہے کہ ڈونلڈ ٹرمپ جھوٹا اور مکار انسان ہے وہ جھوٹوں کا مجموعہ ہےاور امریکہ میں جمہوریت کیلئے بہت بڑا خطرہ ہے، اطلاعات کے مطابق جوبائیڈن نے سابق امریکی صدر ڈونلڈ ٹرمپ کو تنقید کا نشانہ بناتے ہوئے کہا کہ 6 جنوری 2021 کو واشنگٹن میں امریکی کانگریس کی عمارت پر ہونے والے حملہ کی پوری ذمہ داری ڈونلڈ ٹرمپ پر عائد ہوتی ہے۔

بائيڈن کا یہ بھی کہنا تھا ٹرمپ کا یہ بیان کہ 2020 کے الیکشن کے نتائج میں دھاندلی کی گئی، یہ بیان ملک میں قانون کی بالادستی کے نظریے اور مستقبل میں آنے والے انتخابات کی بنیادوں کیلئے خطرہ ہے،جوبائیڈن نے کہا کہ کیا سچ ہے اور کیا جھوٹ؟ ہمیں اس میں باریک بینی سے تفریق کرنے کی ضرورت ہے، سچ یہ ہے کہ سابق صدرٹرمپ نے 2020 کے الیکشن سے متعلق فریب کا جال بُنا اور ایسا انہوں نے اس لیے کیا کیونکہ وہ اصولوں سے زیادہ طاقت کو ترجیح دیتے ہیں۔

جو بائيڈن نے کہا کہ ٹرمپ امریکہ میں جمہوریت کے لیے بہت بڑا خطرہ ہیں، انھیں صرف اپنے مفادات دکھائی دیتے ہیں، قانون کی ان کی نظر میں کوئی حیثیت نہیں ہے۔