سچ خبریں:واٹس ایپ نے درجنوں فلسطینی صحافیوں کی نامعلوم وجوہات کی بناء پر میسنجر تک رسائی نہیں ہونے دی ہے۔
فرانس 24 کی رپورٹ کے مطابق واٹس ایپ میسنجر ایپ نے درجنوں فلسطینی صحافیوں کی رسائی منقطع کردی ہے، فرانس 24 کے مطابق فلسطینیوں اور صیہونی حکومت کے مابین جنگ بندی کے چند گھنٹوں بعد ہی کچھ فلسطینی صحافی اپنے واٹس ایپ اکاؤنٹ تک رسائی سے محروم ہوگئے،اے ایف پی کے دو نامہ نگاروں کے علاوہ مقبوضہ بیت المقدس اور غزہ میں متعدد رپورٹرز نے واٹس ایپ تک رسائی نہ ہونے کے معاملات کی اطلاع دی، فلسطینی جرنلسٹ یونین کا بھی کہنا تھا کہ کم از کم 100 دیگر صحافیوں کی بھی واٹس ایپ پر رسائی ختم کردی گئی ہے۔
واضح رہے کہ واٹس ایپ نے ابھی تک اپنے کچھ صارفین کی اس میسنجر تک رسائی نہ ہونے کے بارے میں کوئی بیان جاری نہیں کیا ہے،اسی طرح حیفا میں آزادی کے حامی گروپ کی ایک رپورٹ میں 6 سے 19 مئی کے درمیان 500 فلسطینیوں کے "ڈیجیٹل حقوق” کی خلاف ورزیوں کی اطلاع دی گئی ہے، ان خلاف ورزیوں میں سے پچاس فیصد انسٹاگرام پر ، 35 فیصد فیس بک پر ، 11 فیصد ٹویٹر پر ، اور ایک فیصد ٹک ٹیک میں شامل ہیں۔
رپورٹ میں کہا گیا ہےکہ مذکورہ کمپنیوں نے ان اکاؤنٹس کو حذف کرنے یا معطل کرنے سے متعلق صارفین کو کوئی وضاحت فراہم نہیں کی ہے،تاہم صاف طور پر معلوم ہے کہ انھوں نے یہ کام صیہونیوں کو خوش کرنے کے لیے کیا ہے نیزا پنے اس اقدام سےفلسطینی مزاحمتی تحریک کی جانب سے صیہونیوں کو ہونے والی شکست کی ذلت کو کم کرنےکی کوشش کی ہے۔
