نیتن یاہو کے خلاف مظاہروں کا نیا ریکارڈ قائم

?️ 14 مارچ 2023

سچ خبریں:صیہونی ذرائع ابلاغ نے اس حکومت کی کابینہ کی پالیسیوں کے خلاف دسیوں ہزار صیہونیوں کے مظاہروں کی خبر دی۔

العہد نیوز ایجنسی کی رپورٹ کے مطابق صیہونی ذرائع ابلاغ نے اس ریاست کے وزیراعظم بنیامین نیتن یاہو کی کابینہ کے حالیہ اقدامات کے خلاف مقبوضہ علاقوں میں بڑے پیمانے پر مظاہروں کے انعقاد کی خبر دی ہے،اس رپورٹ کے مطابق مقبوضہ علاقوں کے مختلف علاقوں میں 300000 سے زائد اسرائیلیوں نے ان عدالتی اصلاحات پر اپنا غصہ ظاہر کیا جن پر نیتن یاہو کی کابینہ عمل درآمد کے لیے کوشاں ہے۔

یاد رہے کہ تل ابیب میں ہونے والے مظاہروں میں کم از کم 200000 اسرائیلیوں نے شرکت کی جبکہ حیفا میں مظاہرین کی تعداد 50000 سے تجاوز کر گئی، بعض ذرائع ابلاغ نیتن یاہو کے خلاف حالیہ مظاہروں کے دوران تل ابیب میں مظاہرین کی تعداد کو ایک ریکارڈ سمجھتے ہیں۔

ادھر صیہونی حکومت کی کابینہ کی پالیسیوں کے خلاف مظاہرے اس وقت اپنے 10ویں ہفتے میں داخل ہورہے ہیں اور تجزیہ کاروں کا خیال ہے کہ ان مظاہروں کی شدت میں اضافہ ہوا ہے جبکہ مقبوضہ علاقوں میں ہونے والے مظاہروں کے دوران صیہونی فورسز نے متعدد مظاہرین کو گرفتار بھی کیا ہے۔

قابل ذکر ہے کہ گذشتہ ہفتے صیہونی ذرائع ابلاغ نے اعلان کیا تھا کہ نیتن یاہو کے خلاف احتجاج کے نویں ہفتے میں لاکھوں افراد صیہونی وزیر اعظم اور ان کی انتہا پسند کابینہ کے خلاف ایک بار پھر سڑکوں پر آ گئے،میڈیا نے اطلاع دی کہ 250000 مظاہرین کی بڑی تعداد میں شرکت کے ساتھ، ماضی کے مظاہروں کا ریکارڈ ٹوٹ گیا اور حالیہ برسوں میں نیتن یاہو کے خلاف سب سے بڑا مظاہرہ ریکارڈ کیا گیا۔