نیتن یاہو عفریت ہے، فلسطینی بدلہ لیں گے: جو بائیڈن کا بیٹا

نیتن یاہو

?️

 انہوں نے زور دے کر کہا کہ نیتن یاہو کی جارحانہ پالیسیاں، خاص طور پر فلسطینیوں کے خلاف، کی وجہ سے یہودی عالمی سطح پر "منفی ردعمل کا نشانہ” بن رہے ہیں۔
بائیڈن نے یروشلم پوسٹ کے ساتھ ایک انٹرویو میں دنیا بھر میں یہودی مخالف جذبات میں اضافے کو نیتن یاہو کے اقدامات سے جوڑتے ہوئے کہا کہ جو کچھ ہو رہا ہے، وہ یہ ہے کہ دنیا بھر کے یہودیوں کو نیتن یاہو کے خوفناک اقدامات سے جوڑا جا رہا ہے۔ انہوں نے مزید کہا کہ بہت سے یہودی، خاص طور پر مقبوضہ فلسطین سے باہر، نیتن یاہو کی پالیسیوں کی حمایت نہیں کرتے، لیکن پھر بھی انہیں تنقید اور الزامات کا سامنا کرنا پڑتا ہے۔
ہنٹر بائیڈن نے 7 اکتوبر کے حملے اور اسرائیلی فوج کی ناکامی پر حیرت کا اظہار کرتے ہوئے سوال اٹھایا، اگر موساد کو اس حملے کے بارے میں ایک سال پہلے سے علم تھا، تو فوج کیوں تیار نہیں تھی؟ جنوبی اسرائیل میں 7 سے 12 گھنٹے تک کوئی فوجی کیوں موجود نہیں تھا؟
انہوں نے اسرائیلی ریاست کے جوابی کارروائی کو بے نتیجہ قرار دیتے ہوئے کہا کہ غزہ پر بمباری تشدد کو ہوا دے گی اور کچھ نہیں۔ اگر آپ غزہ کے تمام لوگوں کو بھی مار ڈالیں، تو بھی ایک نسل بعد دوسری نسل انتقام لے گی۔ وہ اسرائیل اور امریکہ کو نشانہ بنائیں گے، اور یہ ان کا حق ہوگا۔
ہنٹر بائیڈن نے سخت لہجے میں نیتن یاہو کو "درندہ” قرار دیتے ہوئے ان کی یرغمالوں کے معاملے میں لاپروائی پر تنقید کی۔ انہوں نے کہا کہ وہ یرغمالوں کے بارے میں ایک لفظ بھی نہیں بولتا جن کی رہائی کے لیے مذاکرات کرنے کو تیار نہیں، لیکن اپنے ذاتی معاملات جیسے اپنے بیٹے کی شادی پر توجہ دیتا ہے۔
یہ بات قابل ذکر ہے کہ ہنٹر بائیڈن کی یہ تنقید اس وقت سامنے آئی ہے جب ان کے والد جو بائیڈن نے اپنی صدارت کے دوران، خاص طور پر 7 اکتوبر 2023 کے بعد، نیتن یاہو کو غزہ کے عوام کے قتل عام کے لیے اربوں ڈالر کا اسلحہ فراہم کیا اور سیاسی و اقتصادی حمایت جاری رکھی۔
ہنٹر بائیڈن نے نیتن یاہو کے ایران کے جوہری پروگرام کے بارے میں بار بار دیے گئے انتباہات کو یاد دلاتے ہوئے کہا کہ نیتن یاہو ہر معاملے میں غلط ثاب
ت ہوا ہے۔ وہ وہ لڑکا ہے جس نے بار بار جھوٹ موٹ چلایا کہ ‘بھیڑیا آ گیا!’، اور ایک دن اصل بھیڑیا آئے گا۔
انہوں نے فلسطینیوں کے اجتماعی اخراج کے منصوبوں کی مخالفت کرتے ہوئے کہا کہ خطے کا کوئی ملک فلسطینیوں کو اجتماعی طور پر قبول کرنے کے لیے تیار نہیں ہے، نہ مصر، نہ اردن، نہ شام۔ کوئی بھی نہیں۔ لبنان کے تجربے کا حوالہ دیتے ہوئے انہوں نے کہا کہ فلسطینی مہاجرین نے بیروت کو مکمل طور پر بدل دیا۔ لبنان اب پہلے جیسا لبنان نہیں رہا۔
جو بائیڈن کے بیٹے نے آخر میں اسرائیل کے ساتھ اپنی وفاداری پر زور دیتے ہوئے کہا کہ میں پورے دل سے اسرائیل کی حمایت کرتا ہوں، اپنی یہودی بیوی، اپنے یہودی بچے اور اسرائیل کے پرامن اور خوشحال مستقبل کے حق کے لیے لڑوں گا۔ لیکن میں یہ بھی مانتا ہوں کہ فلسطینیوں کو بھی اپنی آزاد ریاست کا حق حاصل ہے۔ واحد حقیقی حل دو ریاستی حل ہے۔

مشہور خبریں۔

لبنان میں کمزور ہوتی سعودی پالیسی

?️ 14 اکتوبر 2021سچ خبریں:لبنان میں سعودی پالیسی کی کمزوری اور اس کے نتائج نے

صیہونی فوجیوں کا الجزیرہ کے دفتر پر حملہ 

?️ 7 جون 2025سچ خبریں: مطلع ذرائع نے بتایا ہے کہ صیہونی فوجیوں نے مغربی

آئی ایم ایف کا صنعتوں کے بجلی گھروں کو گیس کی فراہمی پر بھاری ٹیکس لگانے کا مطالبہ

?️ 6 جنوری 2025اسلام آباد: (سچ خبریں) آئی ایم ایف نے اہم ساختی بینچ مارک

صیہونی حکومت غزہ میں مجاہدین کی قوت توڑنے میں ناکام، جنگی جرائم کی فائل دی ہیگ بھیجنے کا اعلان

?️ 19 جنوری 2025سچ خبریں:غزہ حکومت کے اطلاعاتی دفتر کے ڈائریکٹر ڈاکٹر اسماعیل ثوابتہ نے

کیا فلسطینی عوام طوفان الاقصی آپریشن سے خوش ہیں؟

?️ 23 مارچ 2024سچ خبریں: صیہونی حکومت کے خلاف فلسطینی مزاحمتی تحریک کے عظیم الشان

ٹرمپ کے براہ راست جنگ میں داخل ہونے کے ممکنہ نتائج

?️ 17 جون 2025سچ خبریں: ۱۳ جون کی صبح کے ابتدائی اوقات میں، صہیونی ریاست کی

ہزاروں پاکستانیوں کا غزہ میں نسل کشی کے خلاف مظاہرہ

?️ 15 جنوری 2024سچ خبریں: ہزاروں پاکستانی شہریوں نے غزہ میں نسل کشی اور جنگ

مبینہ بیٹی چھپانے کا معاملہ، نااہلی کیس میں عمران خان کے وکیل کو جواب جمع کرانے کی مہلت

?️ 20 دسمبر 2022اسلام آباد:(سچ خبریں) اسلام آباد ہائی کورٹ نے مبینہ بیٹی کوکاغذات میں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے