نیتن یاہو اور ان کی کابینہ کے خلاف 160 ہزار صہیونیوں کا مظاہرہ

🗓️ 5 مارچ 2023

سچ خبریں:خبر رساں ذرائع نے مسلسل نویں ہفتے اسرائیلی وزیراعظم بنیامین نیتن یاہو کی کابینہ کے خلاف 160000 افراد کے مظاہرے کی اطلاع دی۔

شہاب نیوز ایجنسی کی رپورٹ کے مطابق عدالتی اصلاحات کے حوالے سے صیہونی وزیراعظم بنیامین نیتن یاہو کی کابینہ منصوبے کے خلاف مظاہرے جاری ہیں،اس رپورٹ کے مطابق تل ابیب اور دیگر درجنوں علاقوں میں صیہونی مظاہرین نے مسلسل نویں ہفتے بھی مظاہرے کئے۔

صیہونی حکومت کے ٹی وی چینل 12 نے اعلان کیا ہے کہ نیتن یاہو کی کابینہ اور اس کی عدالتی اصلاحات کے خلاف ہفتے کی شام تقریباً 160000 صیہونی آباد کاروں نے تل ابیب میں مظاہرہ کیا،مرکزی مظاہرہ تل ابیب میں کابلان کی سڑک پر مسلسل نویں ہفتے منعقد ہوا،صہیونیوں نے حیفا، مقبوضہ بیت المقدس، ہرتزیلیا، رمات ہشارون، کریات طبعون، کفار سابا، رحوفوت، نس تسیونا، رعنانا، بئرالسبع و حولون میں بھی نیتن یاہو کی کابینہ کے خلاف مظاہرے کئے۔

یاد رہے کہ یاد رہے کہ صیہونی ریاست کے حالات اس وقت ایسے مرحلے پر پہنچ چکے ہیں کہ خود انہیں بھی اپنی تباہی کا یقین ہو چکا ہے جس کی مثال روزانہ کی بنیاد پر منظر عام پر آنے والے متعدد صیہونی حکام کے بیانات میں دیکھنے کو ملتی ہے جس میں ہو کہتے ہیں کہ نیتن یاہو اسرائیل کو خانہ جنگی کی طرف لے جا رہے ہیں۔

ہرزوگ نے صہیونیوں کو مخاطب کرتے ہوئے کہا کہ میں عدالتی اصلاحات کے بارے میں احتجاج، تشویش اور خوف دیکھ رہا ہوں،یہ ہمیں مشکل ڈال سکتا ہے اور نہ ہی اس طرح ہم کسی معاہدے کے ذریعے حل تک پہنچ سکتے ہیں۔