نہ ختم ہونے والا صیہونیوں کا خوف و ہراس

?️ 4 اپریل 2024

سچ خبریں: عبرانی ذرائع نے دمشق میں ایرانی قونصل خانے کے خلاف صیہونی حکومت کی مجرمانہ جارحیت کے سلسلہ میں ایران کے جواب دینے کے خوف سے صیہونی حکومت کے دفاعی یونٹوں کو مضبوط کرنے کی اطلاع دی۔

صیہونی فوج نے دمشق میں ایرانی قونصل خانے پر قابض حکومت کی مجرمانہ جارحیت کا ایران کی جانب سے جواب دیے جانے کے خوف سے اپنے فضائی دفاع کو مضبوط بنالیا ہے۔

یہ بھی پڑھیں: صیہونیوں پر ایران کا خوف و ہراس

خبر رساں ذرائع نے اعلان کیا ہے کہ دمشق میں ایران کے قونصل خانے پر مجرمانہ حملے کے جواب میں ایران کی دھمکیوں کے بعد صیہونی حکومت نے فضائی دفاع کو مضبوط بنانے اور ریزرو فورسز کی بھرتی کا اعلان کیا ہے۔

الجزیرہ نیوز چینل نے بدھ کی رات خبر دی کہ اسرائیلی فوج نے ایک بیان میں اعلان کیا ہے کہ فوج کی صورتحال کے جائزے کے حصے کے طور پر، فضائی دفاعی نظام میں ریزرو فوجیوں کو مضبوط اور بھرتی کرنے کا فیصلہ کیا گیا ہے۔

اس سلسلے میں عبرانی ذرائع نے ایران کی دھمکیوں کے بعد چوکسی بڑھاتے ہوئے سکیورٹی اداروں کے اندازے کی طرف اشارہ کیا کہ ایران قونصل خانے پر حملے کا جواب اپنی پراکسی تنظیموں کے ذریعے دے گا۔

دوسری جانب اسرائیلی فوج نے اپنی فضائیہ اور دنیا بھر میں اپنے تمام سفارت خانوں میں ہائی الرٹ کا اعلان کر دیا ہے۔

مزید پڑھیں: صیہونیوں میں فلسطینیوں کا خوف ہراس

واضح رہے کہ گذشتہ سوموار کو اسرائیلی فوج نے کھلی جارحیت اور بین الاقوامی ذمہ داریوں کے برعکس دمشق میں ایران کے قونصل خانے پر حملہ کیا تھا جس کے نتیجے میں دو اعلیٰ فوجی اہلکاروں سمیت سات افراد شہید ہوگئے تھے۔