سچ خبریں:صیہونی حکومت کی پارلیمنٹ کے ایک رکن نے نقب اجلاس کی کامیابی کی وجہ ایران کے خلاف مشترکہ اتحاد کی تشکیل کو قرار دیا۔
اتوار کی رات اسرائیلی وزیر خارجہ یائر لاپڈ کی سبراہی میں چار عرب ممالک مصر، متحدہ عرب امارات، بحرین اور مراکش کے ساتھ ساتھ امریکہ کی موجودگی میں مقبوضہ فلسطین کے شہر نقب میں ایک اجلاس منعقد ہونے والا ہے۔
اس سلسلے میں کنیسٹ (اسرائیلی پارلیمنٹ) کے رکن زوئے ہاوسر نے کہا کہ صیہونی حکومت اس سیاسی-تاریخی اجلاس سے مخصوص اہداف حاصل کر رہی ہے،انہوں نے معاریو اخبار کو بتایا کہ یہ ایک حقیقی موقع ہے کہ ایران کا مقابلہ کرنے کے لیے اسرائیل کے دوستوں کے ساتھ اتحاد قائم کیا جائے۔
انھوں نے مزید کہا کہ حوثیوں نے جمعے کے روز ایک بار پھر سعودی عرب میں شہری تنصیبات پر حملہ کیا اور خطے کو عدم استحکام سے دوچار کرنے کی ہر ممکن کوشش کی لہذا اس اجلاس کو استعمال کیا جانا چاہئے تاکہ اسرائیل ایران کے تمام حامیوں کو دہشت گرد تنظیموں کے طور پر متعارف کرانے میں کامیاب ہو سکے۔
ہاؤزر نے کہا کہ یہ امریکیوں کے خلاف خطے کے موقف اور امریکیوں کے خلاف جنگ کو ظاہر کرنے کے لیے ایک اہم قدم ہے تاکہ پاسداران انقلاب کو دہشت گرد تنظیموں کی فہرست میں رکھا جا سکے،اسرائیل کو حوثیوں کو دہشت گرد گروہوں کی فہرست میں شامل کرنے کے لیے عالمی برادری پر دباؤ ڈالنا چاہیے۔
