میں نے صدی ڈیل کے منصوبے کو کوڑے دان میں پھینک دیا :کویتی پارلیمنٹ اسپیکر

?️ 9 جنوری 2022

سچ خبریں:کویتی پارلیمنٹ اسپیکر نے فلسطینیوں کے لیے اس ملک کی پارلیمنٹ کی مسلسل حمایت پر زور دیتے ہوئے کہا کہ کویت 1967 کے صیہونی گروہوں اور تنظیموں کے خلاف اعلان جنگ کے قانون پر عمل پیرا ہے۔
فلسطین ٹوڈے کی رپورٹ کے مطابق کویتی پارلیمنٹ کے اسپیکر مرزوق الغانم نے فلسطینی عوام کے جائز اور ناقابل تنسیخ حقوق کے حصول کے لیے اپنے ملک کی حمایت جاری رکھنے کا اعادہ کیا اور صیہونی غاصبوں کی جارحیت کے خلاف فلسطینیوں کی استقامت اور مزاحمت کی تعریف کی،رپورٹ کے مطابق مرزوق الغانم نے کہا کہ کویت 1967 کے صیہونی گروہوں اور تنظیموں کے خلاف اعلان جنگ کے قانون کی پابندی کرتا ہے۔

کویتی پارلیمنٹ کے اسپیکر نے اس بات کی طرف اشارہ کرتے ہوئے کہ فلسطین اور اس کے دفاع سے متعلق قوانین متعین اور غیر تبدیل شدہ ہیں کہا کہ کویتی پارلیمنٹ میں صیہونی حکومت کے بائیکاٹ کے قانون کا مسودہ دوبارہ پیش کرنا کوئی نیا مسئلہ نہیں ہے جو مسئلہ فلسطین پر کویت کے مؤقف کو مضبوط کرنے کا ایک اقدام ہے ۔

یادرہے کہ فروری 2020 میں عرب پارلیمنٹ میں صدی ڈیل نامی منصوبے کی مخالفت میں کویت کے موقف کے بارے میں، انہوں نے کہا کہ اس وقت میں نے اس منصوبے کی ایک کاپی پھینک دی تھی، جو مجھے تقریر سے10 منٹ پہلے دی گئی تھی، الغانم نے کہا کہ یہ منصوبہ کسی بھی طرح فلسطین اور عرب ریاستوں کے مفاد میں نہیں ہے۔