مقبوضہ علاقوں میں بڑے پیمانے پر مظاہرے

?️ 27 مارچ 2023

المیادین نیٹ ورک نے اپنی ایک رپورٹ میں اسرائیلی وزیر اعظم نیتن یاہو کی پالیسیوں کے خلاف مقبوضہ علاقوں میں مظاہروں میں شدت کا ذکر کرتے ہوئے لکھا ہے کہ آئندہ بدھ کو اسرائیل میں بڑے پیمانے پر مظاہرے ہوں گے۔

اس رپورٹ میں کہا گیا ہے کہ مظاہرین صہیونی پارلیمنٹ کے سامنے ایک بڑے اجتماع میں شرکت کے لیے مقبوضہ بیت المقدس پہنچنے والے ہیں۔

اس رپورٹ کے مطابق مقبوضہ علاقوں میں مظاہروں کی شدت میں اضافہ ہوگا اور آنے والے دنوں میں یہ اپنی بلند ترین سطح تک پہنچ جائے گا۔ دریں اثنا، نیتن یاہو نے حال ہی میں اس بات پر زور دیا ہے کہ وہ عدالتی اصلاحات کے حوالے سے اپنے اقدامات جاری رکھیں گے۔ یہ مسئلہ صہیونیوں کی آگ بھڑکنے اور اپنے احتجاج کو جاری رکھنے کا سبب بنا ہے۔

آج اور کل جہاں بھی صیہونی حکومت کی پارلیمنٹ کے ارکان اور کابینہ کے وزراء موجود ہوں گے وہاں مظاہرین جمع ہوں گے اور ان کے کام میں رکاوٹیں ڈالیں گے۔

مظاہرین کے قائدین نے اعلان کیا ہے کہ ہم اسرائیل کے بدترین ہفتہ میں داخل ہو رہے ہیں۔ کابینہ کی پالیسیاں فوج اور معیشت کو تباہ کر دیں گی۔

عبرانی میڈیا نے یہ بھی اطلاع دی ہے کہ یہ مظاہرے مظاہرین اور پولیس کے درمیان تشدد کا باعث بنیں گے۔