مغربی کنارے میں فلسطینیوں اور صیہونیوں کے درمیان پرتشدد جھڑپیں

29 اکتوبر 2021

سچ خبریں:مغربی کنارے میں واقع الخلیل شہر کے خلاف صیہونی جارحیت کے بعد مغربی کنارے میں صیہونیوں فلسطینی نوجوانوں کے درمیان شدید جھڑپیں ہوئیں۔
العہدنیوز چینل کی رپورٹ کے مطابق مقبوضہ فلسطین کے مختلف علاقوں میں فلسطینیوں کے خلاف صیہونیوں کی جارحانہ کاروائیوں کا سلسلہ بدستور جاری ہے، اسی سلسلے میں صہیونی ملیشیا نے مغربی کنارے کے شہر الخلیل پر حملہ کیا۔

رپورٹ کے مطابق الخلیل شہر پر صیہونی وحشیانہ حملے کے بعد ان کے اور فلسطینی شہریوں کے درمیان شدید جھڑپ ہوئی، صیہونیوں نے جھڑپوں کے دوران متعدد فلسطینیوں کو حراست میں لے لیا۔

ادھر فلسطینی مزاحمتی گروپوں کے مشترکہ چیمبر نے حال ہی میں مقبوضہ بیت المقدس اور مغربی کنارے میں صیہونی حکومت کی حالیہ جارحیت کی شدید مذمت کی ہے، فلسطینی مزاحمتی گروپوں کے مشترکہ چیمبر نے ایک بیان میں کہا ہے کہ وہ فلسطین میں جاری واقعات کے ساتھ ساتھ اسرائیلی حکام کی طرف سے فلسطینیوں پر نئی شرائط مسلط کرنے کی کوششوں پر بھی نظر رکھے ہوئے ہے۔

بیان میں صیہونی حکومت کو مخاطب کرتے ہوئے کہا گیا ہےکہ اس خطرناک سطح پر فلسطینی عوام کے خلاف صیہونی حکومت کے جرائم کا منہ توڑ جواب دینے کی ضرورت ہے، یہ فطری بات ہے کہ ان جرائم کا تسلسل حالات کو مزید کشیدہ بنا دے گا۔

بیان میں یہ بھی کہا گیا ہے کہ صیہونی حکومت یروشلم اور مغربی کنارے میں فلسطینیوں کے خلاف اپنے جرائم کے نتائج کی ذمہ دار ہے،ہم صیہونیوں کو ان کے ماضی کے جرائم کی ادائیگی کے بجائے نئے جرائم کرنے کی اجازت نہیں دیں گے۔