مصر بھی گیا صیہونیوں کے ہاتھ سے

11 جولائی 2023

سچ خبریں: مصری پارلیمنٹ کے اسپیکر نے فلسطینی قوم کے خلاف صیہونی فوج کی جارحیت اور جنین پر حملے کی شدید مذمت کی۔

العربی الجدید کی رپورٹ کے مطابق مصری پارلیمنٹ کے اسپیکر حنفی جبالی نے اس بات پر زور دیا کہ فلسطینیوں کے خلاف صیہونی حکومت کے حملوں میں اضافہ حالات کو مزید خراب کرنے ،تشدد کے دائرے کو وسعت دینے اور فلسطینی عوام کے مصائب میں اضافہ کے علاوہ کوئی نتیجہ نہیں نکال سکتا۔

انہوں نے جنین کیمپ کے خلاف صیہونی فوج کے حالیہ حملوں کا ذکر کرتے ہوئے کہا کہ بے رحم قابض فوج نے تمام بین الاقوامی قوانین اور شہریوں کے احترام کی خلاف ورزی کی ہے۔

یہ بھی پڑھیں: جنین پر صیہونی یلغار

انہوں نے جنین کے شہر اور کیمپ پر حملہ کیا، جس سے بہت سے لوگ مارے گئے،جبالی نے کہا کہ قابضین غزہ شہر پر وسیع اور اندھا دھند حملے کر رہے ہیں نیز انہوں نے القدس شہر کے محاصرے کو تیز کر دیا ہے۔

مصرفی عہدیدار نے کہا کہ یہ اقدامات اس بحران کے حل کے لیے مصر اور دیگر ممالک کی کوششوں کو روکتے ہیں نیز قابضین کی کاروائیوں سے مقبوضہ اراضی میں کشیدگی کی صورتحال بدتر ہو جائے گی۔

انہوں نے مزید کہا کہ مصری پارلیمنٹ اور اس ملک کے نمائندے فلسطینی شہروں کے خلاف قابضین کی کھلی اور پے درپے جارحیت کی شدید الفاظ میں مذمت کرتے ہیں۔

یہ بھی پڑھیں: جنین پھر بنا قتل گاہ

جبالی نے کہا کہ فلسطینی شہریوں کے خلاف یہ حملے بند ہونے چاہئیں،ہم عالمی فریقوں سے مطالبہ کرتے ہیں کہ وہ قابضین کی ان جارحیتوں کو روکنے اور فلسطینی قوم کی حمایت کے لیے فوری اقدامات کریں۔

قابل ذکر ہے کہ ایسا لگتا ہے کہ مصر اور صیہونی حکومت کے تعلقات تاریکی کی طرف بڑھ رہے ہیں اس لیے کہ مصر اور صیہونی حکومت کے درمیان ہوائی پروازوں کا بحران بڑھتا جا رہا ہے، جس کا مطلب دو طرفہ سفارتی تعلقات میں کمی ہو گا جبکہ تل ابیب سے ایک وفد اس مسئلے کی تحقیقات کے لیے قاہرہ جا رہا ہے۔

یاد رہے کہ دو ہفتے پہلے عبرانی زبان کے ذرائع ابلاغ کی رپورٹوں میں مقبوضہ علاقوں اور مصر کے درمیان براہ راست فضائی پروازوں کے بحران میں شدت پیدا ہونے کا اعلان کیا گیا تھا، ایک ایسا بحران جو صیہونی حکومت کی طرف سے مصر کے شہر شرم الشیخ کے بین گوریون ہوائی اڈے اور شہر کے درمیان براہ راست پروازوں کو روکنے کی افواہوں کے ساتھ سامنے آیا۔