ماہ رمضان میں غزہ کے خلاف صیہونی حملوں میں شدت

🗓️ 14 مارچ 2024

سچ خبریں: مسلسل 160ویں روز بھی اسرائیلی فوج کی غزہ کی پٹی کے مختلف علاقوں میں فلسطینیوں پر بمباری جاری ہے۔

رمضان المبارک کی آمد کے باوجود غزہ کے خلاف صیہونیوں کے حملوں میں نہ صرف یہ کہ کمی نہیں آئی بلکہ ان میں شدت بھی آگئی ہے۔

فلسطینی وزارت صحت کے مطابق غزہ کی پٹی میں 160 روزہ جنگ کے دوران 31272 افراد شہید اور 73024 زخمی ہوئے،اس جنگ کے 72 فیصد متاثرین خواتین اور بچے ہیں۔

غزہ کی پٹی میں اب بھی 7000 سے زائد افراد لاپتہ اور ملبے تلے دبے ہوئے ہیں،غزہ کی پٹی پر صیہونی فوج کے حملے آج صبح سے جاری ہیں۔

یہ بھی پڑھیں: غزہ میں امریکہ کے مذموم مقاصدکیا ہیں؟

جنوبی غزہ میں الکویت چوراہے پر فلسطینیوں کے ایک گروپ پر بمباری میں تین افراد شہید اور متعدد زخمی ہوگئے،مقامی ذرائع نے غزہ کی پٹی کے وسط میں النصیرات کیمپ کے شمال میں صہیونی فوج کے توپ خانے کے حملے کی اطلاع دی،توپ خانے نے غزہ کی پٹی کے وسط میں البرج کے شمال مشرق کو نشانہ بنایا۔

جبالیا کیمپ میں الشرقی مسجد پر بمباری،مقامی ذرائع نے جبالیا کیمپ میں السکہ اسٹریٹ کے قریب ایک مکان پر بمباری کی اطلاع دی جس کے دوران متعدد افراد زخمی ہوئے۔

اس کے علاوہ صیہونی جنگی طیاروں نے جبالیا کیمپ میں الشرقی مسجد پر بمباری کی۔

اسرائیلی جنگی طیاروں نے شیخ ناصر کے علاقے اور خان یونس کے مشرقی علاقوں پر شدید بمباری کی۔

غزہ کی پٹی کے شمال میں علاقوں پر بمباری،نصیرات کیمپ میں ایک مکان پر بمباری سے متعدد فلسطینی زخمی ہوگئے۔

غزہ کی پٹی کے شمال میں بیت حانون پر صیہونی فوج کا توپخانہ حملہ جاری ہے،غزہ شہر کے جنوب میں توپ خانے سے حملہ اور زبردست فائرنگ ہوئی ہے۔

مزید پڑھیں: غزہ کی جنگ کا اصلی مقصد کون ہے؟ UNRWAکی رپورٹ

مقامی ذرائع نے بتایا ہے کہ غزہ کی پٹی کے وسط میں البیرج میں ایک مکان پر بمباری کے نتیجے میں 7 افراد شہید اور متعدد فلسطینی زخمی ہوگئے۔

صہیونی فوج کے توپ خانے نے غزہ کی پٹی کے وسط میں البریج اور المغراقہ اور الزہرہ کے مشرق کو نشانہ بنایا۔