لبنانی پارلیمنٹ ممبر کا امریکہ پر ملکی معاملات میں مداخلت کا الزم 

سچ خبریں:لبنان کے ایک معروف رکن پارلیمنٹ اور حزب اللہ کے وفاداری پارلیمانی بلاک کے رکن علی فیاض نے امریکہ پر شدید تنقید کرتے ہوئے کہا ہے کہ امریکی حکومت لبنان کے سیاسی، سکیورٹی، مالیاتی حتیٰ کہ سماجی معاملات میں بھی کھلی مداخلت کر رہی ہے۔

مزید پڑھیں:لبنان میں امریکی مداخلت

لبنان کے ایک معروف رکن پارلیمنٹ علی فیاض کے مطابق، غیر ملکی طاقتیں لبنان کے سیاسی، ثقافتی اور سماجی ڈھانچے میں تبدیلی کا منصوبہ رکھتی ہیں۔

انہوں نے کہا کہ امریکہ اور دیگر مغربی قوتیں صرف سیاسی فیصلوں تک محدود نہیں بلکہ لبنانی بندرگاہوں کی سیکیورٹی، مالی اصلاحات اور اسرائیل کے ساتھ تعلقات کی معمول پر لانے کی کوششوں میں بھی مداخلت کر رہے ہیں۔

علی فیاض نے زور دے کر کہا کہ لبنان کی اصل ترجیح اسرائیل کے زیر قبضہ پانچ اہم لبنانی علاقوں کی آزادی ہے۔

 انہوں نے واضح کیا کہ اسرائیل نے حالیہ جنگ کے دوران جو بھی لبنانی سرزمین پر قبضہ کیا ہے، اسے ہر حال میں خالی کرانا ہوگا۔

انہوں نے یہ بھی بتایا کہ حزب اللہ ملکی مالیاتی اداروں کی اصلاح، بینکوں میں جمع شدہ عوامی اثاثوں کے تحفظ اور ریاستی اداروں کی بحالی کے لیے پوری طرح تیار ہے۔

علی فیاض کی یہ گفتگو لبنان میں بڑھتی ہوئی امریکی مداخلت اور اسرائیلی جارحیت کے خلاف سخت موقف کا مظہر ہے۔

مزید پڑھیں:امریکی نمائندے کی مداخلت پسندانہ بیان بازی پر حزب اللہ کا ردعمل

 حزب اللہ کے اس مؤقف سے واضح ہوتا ہے کہ لبنان اپنی خودمختاری اور علاقائی سالمیت کے معاملے میں کوئی سمجھوتہ نہیں کرے گا، چاہے بیرونی دباؤ کتنا ہی بڑھ جائے۔