لبنان امریکی اور سعودی مداخلت کا مرکز بن چکا ہے:حزب اللہ

?️ 12 فروری 2022

سچ خبریں:لبنان کی حزب اللہ کی مرکزی کونسل کے ایک رکن نے بروقت پارلیمانی انتخابات کرانے کی ضرورت پر زور دیتے ہوئے کہاکہ لبنان امریکی اور سعودی مداخلت کا مرکز بن چکا ہے۔
المنار چینل کی رپورٹ کے مطابق حزب اللہ کی مرکزی کونسل کے رکن شیخ نبیل قاووق نے کہا کہ اس مزاحمتی گروپ نے وقت پر اور پیشگی پارلیمانی انتخابات کرانے کی ضرورت پر زور دیا، رپورٹ کے مطابق حزب اللہ کی مرکزی کونسل کے رکن نے مزید کہاکہ بدقسمتی سے ہم دیکھتے ہیں کہ انتخابات سے پہلے کے دور میں لبنان کے اندرونی معاملات میں غیر ملکی مداخلت میں شدت آئی ہے۔

لبنانی عہدیدار نے مزید کہاکہ لبنان امریکی اور سعودی مداخلت کا منظر بن چکا ہے،امریکیوں اور سعودیوں کا لبنان کے اندرونی معاملات میں مداخلت کا اصل ہدف عوام کو حزب اللہ کے خلاف اکسانا ہے۔

واضح رہے کہ حال ہی میں لبنانی امل تحریک کے بورڈ رکن خلیل حمدان نے پارلیمانی انتخابات کے ملتوی ہونے کے امکان کے بارے میں قیاس آرائیوں پر بات کی، انہوں نے کہا کہ ہم امل تحریک پارلیمانی انتخابات کے انعقاد میں کسی بھی تاخیر کے خلاف ہیں اور امل تحریک وقت پر انتخابات کرانے کی ضرورت پر زور دیتی ہے۔