فلسطینی مزاحمتی تحریک کے ایک کمانڈر شہید

🗓️ 3 جون 2022

سچ خبریں:فلسطین کی مزاحمتی تحریک جہاد اسلامی نے گزشہ سال سیف القدس کی لڑائی میں زخمی ہونے والے اپنے ایک کمانڈر کی شہادت کا اعلان کیا ہے۔
فلسطین ٹوڈے کی رپورٹ کے مطابق فلسطین کی جہاد اسلامی تحریک نے اعلان کیا ہے کہ یاسر عطیه المصری عرف ابو مصعب جو سرایا القدس فورسز سے وابستہ دیر البلاح بٹالین کے کمانڈر تھے، گزشتہ سال سیف القدس کی لڑائی میں زخمی ہوئےتھے، شہید ہوگئے۔

واضح رہے کہ غزہ کی پٹی میں اسرائیل کے ساتھ ہونے والی جنگ جسے فلسطینی مزاحمتی گروپوں کی جانب سے سیف القدس کے نام سے جانا جاتا ہے، صیہونیوں کو کی جانب سے بڑے پیمانے پر آپریشن کا سامنا کرنا پڑا تھا، یہ گزشتہ سال 10 مئی کو شروع ہوئی اور 11 دن تک جاری رہی۔

یاد رہے کہ اس جنگ کی چنگاری اپریل 2021 سے شیخ جراح اور مسجد اقصیٰ کے نزدیک میں رونما ہونے والے واقعات سے بھڑک اٹھی، واضح رہے کہ فلسطینی مزاحمتی گروپوں نے اس جنگ میں اپنی کارروائیوں کے لیے سیف القدس کا نام چنا ہے جب کہ اسرائیل نے غزہ میں اپنی فوجی کارروائی کو دیواروں کا محافظ قرار دیا ہے۔

اسرائیلی ذرائع کے مطابق 11 روزہ جنگ کے دوران مزاحمتی گروپوں نے جنوبی شہروں اور مقبوضہ علاقوں پر 4000 سے زائد راکٹ فائر کیے جس کے نتیجے میں 12 اسرائیلی ہلاک اور 330 کے قریب زخمی ہوئے۔