فلسطینی تجزیہ کار کی عالمی برادری سے مسجد ابراہیمی پر اسرائیلی اقدامات روکنے کی اپیل 

?️ 3 دسمبر 2025

فلسطینی تجزیہ کار کی عالمی برادری سے مسجد ابراہیمی پر اسرائیلی اقدامات روکنے کی اپیل 

فلسطینی تجزیہ کار فرحان علقم نے اسرائیل کی جانب سے الخلیل میں مسجد ابراہیمی کے اندرونی صحن پر قبضے کی کوششوں کو خطرناک پیش رفت قرار دیتے ہوئے عالمی برادری سے مؤثر مداخلت کی اپیل کی ہے۔ ان کا کہنا ہے کہ تل ابیب کے توسیع پسندانہ اقدامات کا مقصد فلسطینی شناخت کو مٹانا اور مقدسات اسلامی پر مکمل کنٹرول قائم کرنا ہے۔

فرحان علقم کے مطابق اسرائیلی فیصلہ فلسطینیوں پر دباؤ بڑھانے اور مسجد ابراہیمی میں ان کی موجودگی محدود کرنے کی منظم پالیسی کا حصہ ہے۔ انہوں نے کہا کہ عالمی خاموشی نے قابض قوت کو مزید جری بنا دیا ہے جس کے نتیجے میں یهودی سازی کے منصوبوں میں تیزی آ رہی ہے۔

انہوں نے زور دیا کہ مسجد ابراہیمی کے موجودہ حالات فلسطینیوں کی وسیع شرکت اور بین الاقوامی سطح پر مضبوط سفارتی موقف کے متقاضی ہیں۔ ان کے بقول، عالمی رائے عامہ فلسطینی مؤقف سننے کے لیے زیادہ تیار ہے، اس لیے اس مسئلے کو مؤثر انداز میں اجاگر کرنے کی ضرورت ہے۔

سیاسی تجزیہ کار سلیمان بشارت نے بھی اسرائیلی اقدام کو شہرک سازی کے منصوبے کی انتہا قرار دیتے ہوئے خبردار کیا ہے کہ ان سرگرمیوں کا مقصد صحنِ مسجد پر مکمل قبضہ اور تقسیم زمانی و مکانی کی خلاف ورزی ہے۔ ان کے مطابق، اسرائیل سینکڑوں تاریخی، مذہبی اور ثقافتی مقامات کو اپنے کنٹرول میں لے کر فلسطینی اسلامی تشخص کو بدلنے کی منظم کوشش کر رہا ہے۔