فلسطینی بھوک سے مر رہے ہیں

?️ 29 فروری 2024

سچ خبریں: غزہ کی پٹی کی وزارت صحت کے ایک اہلکار نے اس پٹی کے مکینوں کی تباہ کن صورتحال اور بے گناہ فلسطینیوں کی شدید بھوک سے آگاہ کیا۔

غزہ کی پٹی کی وزارت صحت کے ترجمان نے الجزیرہ چینل کے ساتھ گفتگو میں کہا کہ صیہونی غاصبوں نے غزہ کی پٹی کے باشندوں کے خلاف ایک نئی جنگ شروع کی ہے جسے بھوک جنگ کا نام دیا گیا ہے۔

یہ بھی پڑھیں: 10 ہزار سے زائد فلسطینی بچوں کی تشویشناک صورتحال،وجہ؟

انہوں نے مزید کہا کہ بھوک کی وجہ سے مرنے والے فلسطینی شہریوں کی تعداد میں اضافہ ہو رہا ہے،ان شہداء کا فلسطینی بچے نمایاں حصہ ہیں۔

اس فلسطینی اہلکار نے مزید کہا کہ ہسپتال میں انتہائی نگہداشت کے یونٹ میں داخل بچوں کو بھوک کی وجہ سے مرنے کا خطرہ ہے۔

انہوں نے کہا کہ صہیونی قابض تمام انسانی تنظیموں کی سرگرمیوں اور غزہ کی پٹی میں انسانی امداد پہنچنے سے روکتے ہیں،خاص طور پر کمال عدوان ہسپتال کی معطلی کے بعد غزہ کی پٹی کے شمال میں صحت کا نظام مکمل طور پر مفلوج ہو کر رہ گیا ہے۔

مزید پڑھیں: اسرائیل کے جنگی جرائم کے جواب میں دا سلوا کی جرات اور عرب سراب کی خاموشی

غزہ کی پٹی کی وزارت صحت کے ترجمان نے کہا کہ صیہونی حکومت جان بوجھ کر انسانی امداد کو غزہ کی پٹی میں داخل ہونے سے روکتی ہے تاکہ اس علاقے کے باشندوں کی نسل کشی کی راہ آسان ہوسکے۔