غزہ میں نسل کشی روکنے میں ناکام رہے:یورپی یونین 

غزہ میں نسل کشی روکنے میں ناکام رہے:یورپی یونین

 یورپی کمیشن کی نائب صدر تیرسا ریبرا نے اعتراف کیا ہے کہ نوارِ غزہ میں جاری نسل کشی نے یہ حقیقت واضح کر دی ہے کہ یورپی یونین اس المیے کو روکنے میں مکمل طور پر ناکام رہی ہے۔

رپورٹ کے مطابق، ریبرا نے جمعرات کو پیرس میں ایک بیان میں کہا غزہ میں ہونے والی نسل کشی نے یہ ظاہر کر دیا کہ یورپ نہ تو عملی قدم اٹھا سکا اور نہ ہی ایک متحدہ آواز میں بول سکا۔

یہ پہلی مرتبہ ہے کہ یورپی یونین کے ایک اعلیٰ عہدیدار نے اسرائیلی مظالم کو نسل کشی قرار دیا ہے، جبکہ اس سے پہلے یورپی رہنما اس اصطلاح کے استعمال سے گریز کرتے رہے ہیں۔

ادھر یورپی یونین کے ترجمان نے کہا کہ اس بارے میں قانونی فیصلہ کہ آیا غزہ میں نسل کشی ہو رہی ہے یا نہیں، عدالتوں کا کام ہے۔

یورپی یونین اب تک رکن ممالک کے اندر اختلافات اور بعض کی اسرائیل نوازی کے باعث کوئی مؤثر اقدام کرنے میں کامیاب نہیں ہو سکی۔ مبصرین کا کہنا ہے کہ ریبرا کے یہ ریمارکس یورپی کمیشن کی صدر اُرسولا فان در لاین پر دباؤ ڈال سکتے ہیں کہ وہ اسرائیل کے خلاف سخت موقف اختیار کریں۔

یاد رہے کہ جولائی میں یورپی کمیشن نے تجویز دی تھی کہ غزہ پر جنگ کے ردِعمل میں اسرائیلی اسٹارٹ اپ کمپنیوں کو دی جانے والی مالی امداد روک دی جائے، تاہم اس تجویز کو رکن ممالک کی اکثریت کی حمایت نہیں مل سکی۔

واضح رہے کہ اسرائیل نے ۷ اکتوبر ۲۰۲۳ سے غزہ پر تباہ کن جنگ مسلط کر رکھی ہے جس کے نتیجے میں وسیع پیمانے پر بربادی، قحط اور ہزاروں فلسطینیوں کی شہادت ہوئی ہے، جن میں بڑی تعداد خواتین اور بچوں کی ہے۔ اسرائیل بین الاقوامی دباؤ اور سلامتی کونسل کی قراردادوں کو نظرانداز کرتے ہوئے اپنی کارروائیوں کو نسل کشی کے الزامات کے باوجود جاری