غزہ میں صیہونی جنگی طیارے کن علاقوں کو نشانہ بناتے ہیں؟

20 دسمبر 2023

سچ خبریں: پوری غزہ کی پٹی بالخصوص فلسطینیوں کے گھروں اور پناہ گزینوں کے ٹھکانوں پر صہیونی فوج کے وحشیانہ حملے جاری ہیں۔

المیادین چینل کے رپورٹر نے اطلاع دی ہے کہ غزہ کی پٹی کے مختلف علاقوں پر اسرائیلی فوج کے فضائی حملے آج صبح سویرے بھی جاری رہے۔

یہ بھی پڑھیں: مغربی کنارے کے خلاف صیہونی وحشی پن

اس حکومت کے جنگی طیاروں نے غزہ کی پٹی کے جنوب میں واقع شہر خان یونس میں رہائشی مکانات پر شدید بمباری کی۔

ان وحشیانہ حملوں میں رفح شہر کے وسط میں واقع شابورہ کیمپ کے مرکز میں رہائشی مکانات بھی شامل تھے۔

خان یونس کے مغرب میں ایک رہائشی مکان پر بمباری کے دوران متعدد بے گناہ فلسطینی شہید اور کچھ زخمی ہوئے جنہیں ناصر میڈیکل کمپلیکس لے جایا گیا۔

غزہ کی پٹی کے شمال میں واقع جبالیا کے مشرق میں رہائشی مکانات پر بمباری اب بھی صیہونی حکومت کے جنگی طیاروں کے اہداف کی فہرست میں شامل ہے۔

گزشتہ روز صہیونی فوج نے غزہ شہر کی الرمال بستی میں ایک عمارت پر بمباری کرکے ایک نیا جرم کیا،اس جرم میں 50 فلسطینی شہید، 12 افراد زخمی اور 50 لاپتہ ہو گئے۔

مزید پڑھیں: فلسطینیوں کی نسل کشی کس کے اشاروں پر ہو رہی ہے؟امریکی تجزیہ کار کی زبانی

غزہ میں فلسطینی وزارت صحت کے ترجمان اشرف القدرہ نے کل اعلان کیا کہ 7 اکتوبر سے غزہ پر اسرائیلی فوج کے حملوں کے نتیجے میں 19667 فلسطینی شہید اور 52586 دیگر زخمی ہو چکے ہیں۔