غزہ میں اسرائیل کے جنگی جرائم پر ہیومن رائٹس واچ کی رپورٹ

?️ 4 اپریل 2024

سچ خبریں: ہیومن رائٹس واچ نے ایک رپورٹ میں یہ کہتے ہوئے کہ اسرائیل نے گزشتہ اکتوبر میں غزہ میں ایک عمارت پر غیر قانونی طور پر حملہ کر کے درجنوں افراد کو ہلاک کر دیا،تل ابیب کو ہتھیار بھیجنے کا سلسلہ بند کرنے کا مطالبہ کیا۔

الجزیرہ نیوز چینل کی رہورٹ کے مطابق ہیومن رائٹس واچ نے اعلان کیا ہے کہ ممالک اسرائیل کی غاصب حکومت کو ہتھیاروں کی منتقلی روک دیں اور فلسطین میں اس حکومت کے جرائم کے بارے میں بین الاقوامی فوجداری عدالت کی تحقیقات کی حمایت کریں۔

یہ بھی پڑھیں: 2022 میں فلسطینیوں کے خلاف صیہونی جرائم کے نئے اعدادوشمار

ہیومن رائٹس واچ نے ایک رپورٹ شائع کی جس میں اس مسئلے پر زور دیتے ہوئے مزید کہا کہ اسرائیل نے 31 اکتوبر 2023 کو غزہ میں ایک رہائشی عمارت پر بغیر کسی فوجی مقصد کے حملہ کیا، جس کے دوران 54 بچوں سمیت 106 شہری مارے گئے اور یہ جنگی جرم ہے۔

یہ رپورٹ ایسے وقت میں سامنے آئی ہے جب غزہ کی پٹی کی وزارت صحت نے اعلان کیا ہے کہ 7 اکتوبر 2023 سے صیہونی حکومت کی جارحیت میں شہید ہونے والوں کی تعداد 33 ہزار 37 جبکہ زخمیوں کی تعداد بڑھ کر 75 ہزار 668 ہو گئی ہے۔

مزید پڑھیں: الشفاء اسپتال میں صہیونی جرائم انسانیت کی توہین

مذکورہ وزارت نے اپنے بیان میں مزید کہا ہے کہ صیہونی حکومت نے گزشتہ 24 گھنٹوں کے دوران غزہ کی پٹی کے مختلف علاقوں میں بڑے پیمانے پر قتل عام کے چھ جرائم کا ارتکاب کیا جس کے دوران 62 افراد شہید اور 91 افراد زخمی ہوئے۔