صیہونیوں کا دمشق پر فضائی اور میزائل حملہ

?️ 11 فروری 2022

سچ خبریں:اسرائیلی فوج نے دمشق کو راکٹوں سے نشانہ بنایا جس کا شامی فوج کی جانب سے دفاعی جواب دیا گیا۔
شام کی سرکاری خبر رساں ایجنسی سانا نے اطلاع دی ہے کہ فوج کے فضائی دفاع نے دمشق پر اسرائیلی فضائی حملے کا مقابلہ کیا،رپورٹ کے مطابق شامی فوج کے فضائی دفاع نے دمشق کے مضافات میں داغے گئے اسرائیلی میزائلوں کا مقابلہ کیا اور ان میں سے بیشتر کو تباہ کر دیا۔

شام کے ایک فوجی ذریعے نے بتایا کہ بدھ کی صبح تقریباً 12:56 بجے اسرائیلی دشمن نے جنوب مشرقی بیروت سے کئی راکٹ فائر کیے،انہوں نے مزید کہاکہ اسرائیل نے 1:10 بجے مقبوضہ گولان کی پہاڑیوں پر زمین سے زمین پر مار کرنے والے میزائل فائر کیےجن کے ذریعہ دمشق شہر کے نزدیکی علاقوں کو نشانہ بنایا گیا، تاہم ہمارے فضائی دفاع نے ان میزائلوں کا مقابلہ کیا اور ان میں سے متعدد کو مار گرایا۔

یادرہے کہ اسرائیلی فوج نے حالیہ برسوں میں شام کے مختلف علاقوں پر درجنوں میزائل حملے کیے ہیں، جن کا شام میں قائم دفاعی نظام کی جانب سے ردعمل سامنے آیا ہے اور عام طور پر انھیں ناکارہ بنا دیا جاتا ہے ، تاہم عالمی برادری کی طرف اب تک اس سلسلہ میں کسی بھی طرح کا ردعمل سامنے نہیں آیا ہے۔