صیہونیوں نے یورپی وزیروں کو فسلطین جانے سے کیوں روکا؟

4 اکتوبر 2023

سچ خبریں:صیہونی حکومت نے ایک غیر منصفانہ اقدام میں یورپی وزرائے خارجہ کو فلسطینی شہروں کا دورہ کرنے سے روک دیا۔

مرکزاطلاعات فلسطین کی رپورٹ کے مطابق صیہونی حکومت نے یورپی وزرائے خارجہ کو فلسطینی شہروں کا دورہ کرنے سے روک دیا۔

صیہونی وزارت خارجہ نے کہا کہ اس نے 3 یورپی ممالک کے وزرائے خارجہ کو مغربی کنارے کے بعض فلسطینی شہروں کا دورہ کرنے سے روک دیا ہے۔

یہ بھی پڑھیں: امریکہ اور برطانیہ کے متعدد شہروں میں فلسطینیوں کے حق میں مظاہرے

اس بارے میں صیہونی نیوز سائٹ والا نے اپنی ایک رپورٹ میں تاکید کی ہے کہ صیہونی حکومت نے حالیہ ہفتوں میں آئرلینڈ، انگلینڈ اور ناروے کے وزرائے خارجہ کو مغربی کنارے کے علاقے "C” کے بعض فلسطینی علاقوں کا دورہ کرنے کی اجازت نہیں دی۔

واضح رہے کہ صیہونی حکومت نے اس سے پہلے بھی متعدد بار بین الاقوامی وفود کو فلسطینیوں کی صورتحال سے آگاہ ہو جانے کی وجہ سے مغربی کنارے کے فلسطینی علاقوں کا دورہ کرنے سے روکا ہے۔

دوسری جانب فلسطینی ذرائع نے گذشتہ ماہ کے دوران فلسطینی مجاہدین کی جانب سے قابضین کے خلاف کیے گئے آپریشنز کی تعداد کی تفصیلات فراہم کیں۔

اس رپورٹ کے مطابق اس عرصے کے دوران 1500 مزاحمتی کاروائیاں کی گئی ہیں جن میں جنین میں 162 آپریشن، نابلس میں 181، الخلیل میں 149 آپریشن، قلقیلیہ میں 127، رام اللہ میں 121 آپریشن، اور طولکرم میں 63 آپریشنز کیے گئے۔

اسی طرح مقبوضہ بیت المقدس میں 86، اریحا میں 63، طوباس میں 42، بیت لحم میں 37 اور سلفیت میں 19 کیسز سامنے آئے۔

اس رپورٹ کے مطابق 104 شوٹنگ آپریشن، 4 کولڈ ویپن آپریشن، 1 کار اووررن آپریشن، 2 ڈرون آپریشن، 48 بارودی مواد پھینکنے، 38 فوجی سازوسامان کو تباہ کرنے، 9 فوجی مراکز کو نذر آتش کرنے، 287 پتھراؤ کے 33 واقعات ہوئے۔

مزید پڑھیں: فلسطینی مجاہدین کی نئی نسل کے بارے میں صہیونی تجزیہ نگار کا انتباہ

نیز فائر کرنے کے 10 کیسز، آگ لگانے والے مواد پھیکنے کے 386 کیسز، تصادم کے 386 کیسز، آباد کاروں کی جارحیت کے خلاف مزاحمت کے 104 کیسز، مظاہروں اور احتجاج کے 23 کیسز اور راکٹ فائرنگ کا ایک کیس سامنے آیا۔

دوسری جانب صیہونی حکومت کے ذرائع ابلاغ نے مغربی کنارے کے شمال میں ایک صہیونی قصبے میں فائرنگ کی اطلاع دی۔