صیہونی غزہ کے کن علاقوں کی تاک میں ہیں؟

?️ 22 اکتوبر 2023

سچ خبریں: صہیونی فوج نے شہدا الاقصیٰ اسپتال کے اطراف کے علاقوں پر بمباری کی ہے اور جنین کیمپ میں ایک مسجد کو مسمار کردیا ہے۔

المیادین چینل کی رپورٹ کے مطابق اسرائیلی جنگی طیاروں نے اپنے تازہ ترین جرم میں غزہ کی پٹی کے وسط میں دیر البلح میں واقع شہداء الاقصیٰ اسپتال کے اطراف کے علاقوں پر بمباری کی۔

یہ بھی پڑھیں: غزہ اسپتال پر صیہونی بمباری پر روس کا ردعمل

المیادین کے رپورٹر کا کہنا ہے کہ صیہونی حکومت کے لڑاکا طیاروں نے اس سے قبل تین بار شہدا الاقصیٰ اسپتال کے اطراف کے علاقوں پر بمباری کی ہے۔

خبروں میں بتایا گیا ہے کہ اسرائیلی فوج نے آج اتوار کی صبح سے غزہ کی پٹی کے مختلف علاقوں پر اپنے فضائی حملے دوبارہ شروع کر دیے ہیں۔

المیادین چینل کے رپورٹر نے غزہ کی پٹی کے شمالی علاقوں پر بھی صیہونی فوج کے وحشیانہ توپخانے کے حملوں کی خبر دی ہے۔

نیز صیہونی فوج کے جنگی طیاروں نے غزہ کی پٹی کے جنوب میں واقع خانیونس کے مختلف علاقوں پر بمباری کی۔

فلسطین کے طبی ذرائع نے اعلان کیا ہے کہ گذشتہ رات صیہونی فوج کے جنگی طیاروں کی جانب سے غزہ کی پٹی کے مختلف علاقوں پر کی جانے والی بمباری کے دوران 50 سے زائد فلسطینی شہید ہو گئے ہیں۔

مزید پڑھیں: غزہ کے ہسپتال پر  وحشیانہ حملے کے بعد مسلمان حکومت کس چیز کی منتظر ہیں ؟

دوسری جانب قابض فوج نے مغربی کنارے میں واقع جنین کیمپ پر بھی حملہ کیا، اس کیمپ کے خلاف قابضین کے فضائی حملوں کے دوران انصار مسجد کو نشانہ بنا کر تباہ کر دیا گیا۔