صیہونی جیلوں میں بھی فلسطینی قیدیوں کے ساتھ جنگ کررہے ہیں:جہاد اسلامی

20 اکتوبر 2021

سچ خبریں:لبنان میں فلسطینی جہاد اسلامی تحریک کے نمائندے نے زور دیا کہ مزاحمت قیدیوں کی حمایت میں قابضین سے لڑنے کے لیے تیار ہے۔
المنار ٹی وی چینل کی ویب سائٹ نے فلسطین الیوم اخبار کے حوالے سے بتایا کہ لبنان میں فلسطینی جہاد اسلامی تحریک کے نمائندے احسان عطایا نے کہاکہ صہیونی حکومت کی جیلوں کے اندر فلسطینی قیدیوں کی بھوک ہڑتال صہیونی بربریت کے خلاف ایک نیا انتفاضہ شروع کیے جانےکے ذریعے فلسطینی عوام اور مزاحمت کو متحرک کرنے کی کوشش ہے تاکہ صیہونی جیلوں میں قید مجاہدین او رعام لوگوں کو آزاد کیا جائے اور انھیں قید سے چھٹکارا دلایاجا سکے۔

انہوں نے زور دیاکہ مزاحمتی تحریک قیدیوں کی حمایت میں قابضین کے ساتھ نئی جنگ میں داخل ہونے کے لیے پوری طرح تیار ہے ، جس طرح یہ مسجد اقصیٰ کے دفاع میں سیف القدس کی جنگ میں داخل ہوئی۔

لبنان میں جہاد اسلامی تحریک کے نمائندے نے مسلسل ساتویں دن اس تحریک کے قیدیوں کی بھوک ہڑتال کے بارے میں کہاکہ قابضین کی جیلوں میں جو کچھ ہو رہا ہے یہ ایک حقیقی جنگ ہے جس کی قیادت جہاد اسلامی کے قیدیوں نے کی ہے۔

انہوں نے مزید کہاکہ اس تحریک کے میز پر تمام آپشن موجود ہیں،انھوں نے جہاد اسلامی تحریک کے سکریٹری جنرل زیاد النخالہ کے بیان کا ذکر کرتے ہوئےزور دیاکہ النخالہ کی دھمکی اور انتباہ تنازعات کے قواعد کے ایک نئے اصول کا خاکہ پیش کرتا ہے اور طاقت کا توازن قائم کرتا ہے جو آج جہاد اسلامی اور مزاحمتی گروہوں کی طرف سے قیدیوں کی حمایت کے عنوان سے تیار ہو رہا ہے۔

عطایا نے یہ بھی کہا کہ قابض حکومت مزاحمت کے ساتھ ایک نئی جنگ میں داخل نہ ہونے کی کوشش کر رہی ہے ، کیونکہ یہ حکومت ابھی تک سیف القدس کی جنگ کے دوران ہونے والے نقصانات کے ساتھ ساتھ صیہونیوں کو اس کے بعد ہونے والے نقصانات سے سر نہیں اٹھا سکی ہے۔