صیہونی آبادکاروں کی دہشت گردی میں روز بروز اضافہ ہو رہا ہے:فلسطینی اتھارٹی

?️ 18 دسمبر 2021

سچ خبریں:فلسطینی اتھارٹی نے ایک بیان میں صیہونی حکومت کی کابینہ کی حمایت سے صیہونی آبادکاروں کی دہشت گردی میں نمایاں اضافے کا اعلان کیا ہے۔
فلسطینی اتھارٹی نے ایک بیان جاری کرتے ہوئے صہیونی آباد کاروں کی بڑھتی ہوئی دہشت گردی کا حوالہ دیتے ہوئے عالمی برادری سے صہیونی آبادکاروں کے جرائم سے نمٹنے کے لیے فوری اقدام کرنے کا مطالبہ کیا ہے،بیان میں کہا گیا ہے کہ عالمی برادری کو اسرائیلی وزیر اعظم نفتالی بینیٹ کی کابینہ پر فوری طور پر زور دینا چاہیے کہ وہ بے دفاع فلسطینی عوام کے خلاف دہشت گردی کو روکے اور دہشت گردی کی انتہائی گھناؤنی شکل کے خلاف فلسطینی قوم کو بین الاقوامی حمایت فراہم کرے۔

فلسطینی وزارت خارجہ نے ایک بیان میں کہا ہے کہ صہیونی آباد کاروں نے مغربی کنارے کے قصبوں اور دیہاتوں بالخصوص شمال میں فلسطینیوں کے گھروں پر چھاپے مارنے کا سلسلہ جاری رکھا ہوا ہے، بیان میں فلسطینی قصبوں اور دیہاتوں کے خلاف آباد کاروں کی جارحیت بالخصوص قریوت، برقہ، مقبوضہ بیت المقدس میں شیخ جراح محلے وغیرہ اور درجنوں فلسطینی شہریوں کے زخمی ہونے کا حوالہ دیا گیا ہے۔

بیان کے مطابق صیہونی آباد کاروں نے بڑی تعداد میں مسلح صہیونیوں کی شرکت کے ساتھ گروہوں کی شکل میں فلسطینی دیہاتوں اور قصبوں پر حملہ کیا نیز درجنوں فلسطینیوں کے گھروں پر حملہ کرکے ان کے سامان کو تباہ کردیا، نہتے فلسطینیوں پر گولیاں برسائیں اور متعدد بے دفاع فلسطینیوں کو زخمی کیا۔