عراقچی کا نتین یاہو کو جواب: ایران کے تم سے کچھ ادھورے کام باقی ہیں

سچ خبریں: ایرانی وزیر خارجہ سید عباس عراقچی نے اسرائیلی وزیراعظم نتین یاہو کی دھمکیوں پر سخت ردعمل دیتے ہوئے کہا ہے کہ گزشتہ بار بھی ایران پہلے سے زیادہ طاقتور ہو کر ابھرا، ایران کے بھی کچھ ادھورے کام باقی ہیں۔

ایران کے وزیر خارجہ سید عباس عراقچی نے اسرائیلی حکومت کے وزیراعظم کی دھمکی آمیز بیانات پر ردعمل دیتے ہوئے اپنے سوشل میڈیا اکاؤنٹ پر لکھا ہے کہ گزشتہ بار جب آپ نے کام تمام کرنے کی کوشش کی تھی تو ایران پہلے سے زیادہ طاقتور ہو کر ابھرا تھا۔ کیا آپ ایک بار پھر اپنی قسمت آزمانا چاہتے ہیں؟ ضرور آئیں، لیکن احتیاط کریں؛ ہمارے بھی کچھ ادھورے کام باقی ہیں!

انہوں نے مزید لکھا کہ نتین یاہو جیل سے بچنے کے لیے امریکا کو ایک اور جنگ کی طرف دھکیل رہے ہیں؛ اس بات سے بے پرواہ کہ اس کے اسرائیل کے لیے کیا نتائج ہوں گے، امریکی صدر کے لیے تو بات ہی الگ ہے۔

واضح رہے کہ اسرائیلی حکومت کے وزیراعظم نتین یاہو نے اپنی دھمکی آمیز گفتگو میں یہ دعویٰ کیا تھا کہ صرف میں اور ٹرمپ ہی ہیں جو ایران کے جوہری پروگرام کو تباہ کریں گے۔