شامی دروزیوں کا الجولانی حکومت کے سامنے ہتھیار ڈالنے سے انکار

?️ 8 اپریل 2025

سچ خبریں:شام کی دروزی برادری کے ممتاز رہنماؤں نے شامی حکمران

گروہ الجولانی کے سامنے اپنے ہتھیار ڈالنے سے صاف انکار کر دیا ہے۔

المعلومہ نیوز ایجنسی کی رپورٹ کے مطابق مطلع ذرائع کے مطابق، شام کے سویداء صوبے سے تعلق رکھنے والے 300 سے زائد دروزی رہنماؤں نے الجولانی کے دہشت گرد گروہ کے سامنے ہتھیار ڈالنے سے انکار کر دیا ہے۔

یہ بھی پڑھیں:شمال مغربی شام میں الجولانی کے دہشتگرد گروہ کے حملوں میں کتنے شہری مارے گئے ہیں؟امریکہ کا اعتراف

ذرائع کا کہنا ہے کہ دروزی برادری، جو شام کی ایک اہم مذہبی اقلیت ہے اور خاص طور پر سویداء صوبے میں بڑی تعداد میں آباد ہے، الجولانی گروہ کے خطے کی سلامتی اور استحکام کے لیے پیدا کیے جانے والے خطرات سے بخوبی آگاہ ہے۔

الجولانی کے دہشت گرد گروہ سے وابستہ عناصر نے شام کے مختلف علاقوں پر کنٹرول حاصل کر لیا ہے اور اقلیتوں بالخصوص علوی برادری کے خلاف قتل عام شروع کر دیا ہے۔

مزید پڑھیں:شام میں الجولانی پر کندھوں پر رکھ کر کون بندوق چلا رہا ہے؟؛امریکی اخبار کی رپورٹ

مطلع ذرائع کے مطابق، سویداء کے دروزی باشندے علویوں کے ساتھ ہونے والے قتل عام کے اپنی برادری پر دہرائے جانے کے امکان سے فکرمند ہیں اور اس سے بچاؤ کے لیے ضروری اقدامات کر رہے ہیں۔