سچ خبریں:عراقی وزارت خارجہ کے ترجمان نے شام کی عرب لیگ میں واپسی کے لیے اس ملک کی مکمل حمایت کرنے کا اعلان کیا۔
اسپوٹنک نیوز ایجنسی کی رپورٹ کے مطابق عراقی وزارت خارجہ کے ترجمان احمد الصحاف نے شام کی عرب لیگ میں واپسی کے بارے میں اپنے ملک کا موقف بیان کرتے ہوئے کہا کہ عراق شام کی عرب لیگ میں واپسی کی حمایت کرتا ہے۔
عراقی وزارت خارجہ کے ترجمان نے مزید تاکید کی کہ بغداد شام کی عرب لیگ میں نشست حاصل کرنے کی حمایت کرتا ہے اس لیے کہ اس سے عرب ہم آہنگی اور اتحاد پر مثبت اثرات مرتب ہوتے ہیں۔
یاد رہے کہ عراقی سفارتکار کا بیان ایسے وقت میں منظر عام پر آیا ہے جبکہ ذرائع ابلاغ نے اس سے قبل خبر دی تھی کہ خلیج فارس تعاون کونسل کے ارکان بشمول سعودی عرب، مصر، اردن اور عراق، سعودی عرب کے شہر جدہ میں وزرائے خارجہ کی سطح پر ایک اجلاس منعقد کرنے جا رہے ہیں جس میں شام کی اس یونین میں واپسی کےمسئلے پر تبادلہ خیال کیا جائے گا۔
اس سلسلے میں قطر کی وزارت خارجہ کے ترجمان ماجد الانصاری نے دوحہ میں ایک پریس کانفرنس میں اعلان کیا کہ خلیج فارس تعاون کونسل کے سکریٹری نے انہیں شام کی عرب لیگ میں واپسی کے امکان پر تبادلہ خیال کے لیے ایک اجلاس میں شرکت کی دعوت دی ہے۔
