شام اور حماس کے درمیان تعلقات صیہونی حکومت کے خلاف اتحاد کا باعث:فلسطینی عہدیدار

🗓️ 18 ستمبر 2022

سچ خبریں:فلسطینی المبادرہ الوطنیہ (قومی اقدام) تحریک کے سکریٹری جنرل نے کہا کہ حماس اور شام کے درمیان تعلقات فلسطینی اور عرب مزاحمتی گروہوں کو صیہونی جارحیت کے خلاف متحد کرنے کا سبب بنیں گے۔

فلسطینی نیشنل انیشی ایٹو (قومی اقدام) تحریک کے سکرٹری جنرل مصطفیٰ البرغوثی نے کہا کہ شام کے ساتھ مضبوط تعلقات استوار کرنے میں حماس تحریک کا اقدام ایک مثبت قدم ہے، البرغوثی نے شہاب نیوز ایجنسی سے گفتگو کرتے ہوئے کہا کہ یہ مسئلہ شام سمیت فلسطینی اور عرب مزاحمتی گروہوں کو صیہونی عبوری حکومت کی جارحیت کے خلاف متحد کرنے کا سبب بنے گا۔

انہوں نے یہ کہتے ہوئے کہ حماس کا یہ اقدام معاملات کو درست سمت کی طرف لوٹانا ہے، اس بات کی طرف اشارہ کیا کہ تعلقات باہمی احترام پر مبنی ہونے چاہئیں نیز فلسطینی اور عرب قوم کی حمایت کے لیے جدوجہد کا قومی طریقہ متحد ہونا چاہیے۔

فلسطینی عہدیدار نے اس بات پر زور دیا کہ شام ہمیشہ صیہونی حکومت کے ساتھ تعلقات کو معمول پر لانے کے خلاف رہا ہے اور اسی مناسبت سے اسے اس ملک کے ساتھ اپنے تعلقات کو مضبوط کرنا چاہیے، فلسطین کی جہاد اسلامی تحریک کے رہنماوں میں سے ایک خضر حبیب نے اس تناظر میں کہا کہ یہ درست سمت میں ایک قدم ہے جو صہیونی دشمن کا مقابلہ کرنے کے لیے مزاحمت کی مرکزی تقویت کا باعث بنے گا۔

انہوں نے زور دے کر کہا کہ تعلقات منقطع کرنا نہ شام اور حماس کے مفاد میں ہے اور نہ ہی فلسطینی کاز کے مفاد میں۔