سلامتی کونسل عالمی ادارہ ہے یا امریکی؟ ثبوت

11 جنوری 2024

سچ خبریں: اقوام متحدہ کی سلامتی کونسل نے غزہ کی پٹی میں اسرائیل کے جرائم کی پرواہ کیے بغیر، یمن کے بارے میں امریکہ کی طرف سے پیش کردہ قرارداد کو چین، روس اور الجزائر کے ممتنع ووٹوں کے باوجود 11 ووٹوں سے منظور کر لیا۔

یہ بھی پڑھیں: ہم غزہ کی حمایت جاری رکھیں گے: انصاراللہ

اسپوٹنک نیوز ایجنسی کی رپورٹ کے مطابق اقوام متحدہ کی سلامتی کونسل کے اجلاس میں جو 10 جنوری 2024 بدھ کی شام منعقد ہوا، واشنگٹن کی مجوزہ قرارداد نمبر 2722 کو 11 ووٹوں کے ساتھ پیش کیا گیا، سلامتی کونسل کے 15 ارکان کی جانب سے یمن کی تحریک انصار اللہ کے خلاف بحیرہ احمر میں حملوں کی حمایت کی منظوری دی گئی۔

اقوام متحدہ کی سلامتی کونسل نے امریکہ کی طرف سے سمندر میں یمن کی طرف سے لاحق خطرات سے متعلق پیش کی گئی قرارداد 11 ووٹوں سے منظور کی جبکہ چین، روس اور الجزائر کے ممتنع ووٹ دیا۔

سلامتی کونسل کی قرارداد میں، جسے امریکہ کے دباؤ میں منظور کیا گیا ہے،تحریک انصار اللہ سے کہا گیا ہے کہ وہ فوری طور پر بحری جہازوں پر اپنے حملے بند کرے کیونکہ ان حملوں سے عالمی تجارت میں خلل پڑتا ہے اور جہاز رانی کے قوانین اور حقوق کو نقصان پہنچتا ہے نیز علاقہ کی امن و سلامتی کو خطرہ لاحق ہوتا ہے۔

سلامتی کونسل نے امریکہ اور اس کے اتحادیوں کے دباؤ میں آ کر پاس کی جانے والے اس قرارداد میں صنعاء سے "Galaxy Leader” جہاز اور اس کے عملے کی غیر مشروط رہائی کا مطالبہ بھی کیا۔

مزید پڑھیں: یمنی انصاراللہ نے امریکہ کو کیا مشورہ دیا ہے؟

قبل ازیں اقوام متحدہ میں روس کے نمائندے نے اعلان کیا تھا کہ امریکہ اس قرارداد کے ذریعے بحیرہ احمر میں اپنے بحری اتحاد (انصار اللہ کی دھمکیوں کے خلاف) کی کاروائیوں کو قانونی حیثیت دینے کی کوشش کرتا ہے۔