سعودی عرب کی جانب سے یورینیم میں اضافہ کا امکان

سچ خبریں:امریکی خبر رساں ادارے ایسوسی ایٹڈ پریس کی ایک رپورٹ کے مطابق، امریکی کانگریس کی جانب سے جاری کردہ دستاویزات کی بنیاد پر امکان ظاہر کیا گیا ہے کہ سعودی عرب امریکہ کے ساتھ مجوزہ جوہری معاہدے کے ایک حصے کے طور پر اپنی سرزمین پر یورینیئم افزودگی کر سکتا ہے۔

اس رپورٹ میں بتایا گیا ہے کہ ٹرمپ انتظامیہ کا ارادہ ہے کہ وہ دنیا بھر کے ممالک بشمول سعودی عرب کے ساتھ 20 جوہری معاہدے طے کرے۔

اطلاعات کے مطابق، اس معاہدے کی مالیت اربوں ڈالر تک پہنچ سکتی ہے۔ رپورٹ میں مزید کہا گیا ہے کہ امریکہ اور سعودی عرب حفاظتی (سیف گارڈ) معاہدوں پر دستخط کریں گے۔ یہ معاہدے جوہری ہتھیاروں کے پھیلاؤ سے متعلق حساس پہلوؤں کا احاطہ کرتے ہیں، جن میں یورینیئم کی افزودگی اور جوہری ایندھن کی تیاری شامل ہے۔