سعودی عرب میں ناکام پیٹریاٹ سسٹم کی جگہ آئرن ڈوم لگانے کی تیاریاں

سعودی عرب

?️

سچ خبریں:یمنی مجاہدین کے میزائلوں اور ڈرونوں کے مقابلہ میں امریکی "پیٹریاٹ” ہوائی دفاعی نظام کی ناکامی کی وجہ سے صہیونی حکومت کی نئی کابینہ نے اپنے نام نہاد آئرن ڈوم کو سعودی عرب کو بیچ کر اس ملک میں اپنا اثر و رسوخ بڑھانے کا فیصلہ کیا ہے۔
پچھلے کچھ سالوں میں جب سے یمنی مجاہدین نے مختلف سطح سے سطح تک مار کرنے والےبیلسٹک میزائل اور ڈرون بنانے اور استعمال کرنے کی ٹکنالوجی حاصل کی ہے ، اس خطے میں سعودی جارحیت پسندوں اور ان کے اتحادیوں کے ستارے گردش میں نظر آرہے ہیں ۔

واضح رہے کہ سعودیوں کا ایک مسئلہ مہنگے پیٹریاٹ میزائل دفاعی نظام کی ناکامی ہے جو ابھی تک یمنی مجاہدین کے حملوں کے خلاف بہتر کارکردگی کا مظاہرہ نہیں کرسکا ہے لہذا سعودی یمنیوں کا مقابلہ کرنے کے لئے ایک اور فضائی دفاعی نظام کو استعمال کرنے کے درپے ہیں۔

یہ بات صیہونیوں نے بہت اچھی طرح بھانپ لی ہے تبھی انھوں نے سعودیوں کو نام نہاد آئرن ڈوم لگانے کی پیش کش کی، البتہ اس تجویز کو پیش کرنے میں صہیونی عہدیداروں کا بنیادی ہدف آل سعود کے ساتھ کسی سمجھوتہ تک پہنچنا ہے ، اسی طرح کا اقدام صیہونیوں نے پچھلے سال15ستمبرکو سابق امریکی صدر ڈونلڈ ٹرمپ کی ثالثی کے ساتھ متحدہ عرب امارات کے ساتھ تعلقات قائم اور سمجھوتہ کرنے میں کیا تھاجس کے بعد بحرین نے بھی انھیں کے قدموں پر قدم رکھا۔

صیہونی اخبار یدیؤت آہرونٹ نے دو دن قبل اعلان کیا تھا کہ اسرائیل جلد ہی سعودی عرب کو ایک بہت ہی دلچسپ پیش کش کرے گا، عبرانی زبان کے اخبار کے مطابق امریکہ کا خطے سے اپنے دفاعی نظام واپس لینے پر اصرار اسرائیل کو ایک موقع فراہم کرتا ہے کہ وہ امریکی نظاموں کی جگہ سعودی عرب اور متحدہ عرب امارات میں اپنے آئرن ڈوم کو لگائے اگرچہ سعودی عرب نے غیر فعال اور مہنگے امریکی پیٹریاٹ دفاعی نظاموں کے انخلا کے اعلان کے بعد 10 کے قریب یمنی ڈرونوں کو مار گرانے کا دعوی کیا ہے لیکن یقینی طور پر اس میں یمنی مجاہدین کے میزائلوں اور ڈرونوں کا مقابلہ کرنے کی اتنی صلاحیت نہیں ہےاور 14 ستمبر ، 2019 کو سعودی تیل کی تنصیبات پر حملے کی کہانی کو دہرا یا جاسکتا ہے۔

یادرہے کہ اسرائیلی نائب وزیر اعظم اور وزیر خارجہ یئرلاپڈ کے متحدہ عرب امارات کے دورہ کے موقع پر شائع ہونے والے اس کالم میں اس بات پر زور دیا گیا ہے کہ اسرائیل اور خلیج فارس کے جنوبی خطے کے ممالک کے مابین تعاون حاصل کیا جاسکتا ہے جس میں متحدہ عرب امارات اور بحرین کو مشترکہ مفادات کی بنیاد پر دیکھا جاسکتا ہے اور اب جب اس خطے سے امریکی میزائل دفاعی نظام واپس لیا جارہا ہے تو اسرائیل کو ان کی جگہ آئرن ڈوم سسٹم پیش کرنے کی پیش کش کرنی چاہئے۔

قابل ذکر ہے کہ صہیونی حکام کی جانب سے سعودی عرب میں صیہونی حکومت کے فضائی دفاعی نظام کو پیٹریاٹ سسٹم کی جگہ تبدیل کرنے کی تجویز ایسے وقت میں دی جارہی ہے جبکہ21 مئی کو ختم ہونے والی 12 روزہ جنگ میں فلسطینی اسلامی مزاحمت کے 4000 میزائلوں کے خلاف صیہونی حکومت کی فوج بہت غیر موثر رہی جس کا اس ریاست کے حکام نے بھی اعتراف کیا۔

 

مشہور خبریں۔

اقوام متحدہ میں پاکستان کے مستقل نمائندے نے مسئلہ کشمیر کے حوالے سے اہم بیان جاری کردیا

?️ 12 اپریل 2021نیویارک (سچ خبریں) اقوام متحدہ میں پاکستان کے مستقل نمائندے نے مسئلہ

زیلنسکی کا یوکرین کے لیے امریکی امداد پر اعتراض

?️ 3 فروری 2025سچ خبریں: جو بائیڈن کے دورِ صدارت میں، امریکہ جنگ میں یوکرین

ترقیاتی پیکج سے سندھ کے نوجوانوں کو فائدہ ہوگا:اسد عمر

?️ 16 اپریل 2021سکھر(سچ خبریں)وفاقی وزیر اسد عمر  کا کہنا ہے کہ ترقیاتی پیکج میں

سعودی عرب ایران کے خلاف ٹرمپ کی دھمکیوں کے خلاف؛برطانوی اخبار کی رپورٹ  

?️ 2 اپریل 2025 سچ خبریں:برطانوی اخبار گارڈین نے اپنی ایک رپورٹ میں انکشاف کیا

اسیر فلسطینی خاتون کی شہادت

?️ 3 جولائی 2022سچ خبریں:فلسطین کی اسلامی مزاحمتی تحریک حماس کے ترجمان نے اس بات

کورونا ویکسین بوسٹر ڈوز لگانے کی منظوری دے دی گئی

?️ 1 دسمبر 2021اسلام آباد (سچ خبریں) این سی اوسی نے کورونا ویکسین کی بوسٹر

ہالی ووڈ تباہی کے دہانے پر؛ وجہ ؟

?️ 22 اپریل 2025سچ خبریں: چائنا سینٹرل ٹیلی ویژن نیٹ ورک (CCTV) سے وابستہ Yiyuantan

آرمی چیف نے پولیو کے خاتمے کو قومی کاز اور قومی کوشش قرار دیا

?️ 10 جون 2021راولپنڈی (سچ خبریں) آرمی چیف جنرل قمر جاوید باجوہ نے ملک سے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے