سعودی عرب میں ناکام پیٹریاٹ سسٹم کی جگہ آئرن ڈوم لگانے کی تیاریاں

سعودی عرب

?️

سچ خبریں:یمنی مجاہدین کے میزائلوں اور ڈرونوں کے مقابلہ میں امریکی "پیٹریاٹ” ہوائی دفاعی نظام کی ناکامی کی وجہ سے صہیونی حکومت کی نئی کابینہ نے اپنے نام نہاد آئرن ڈوم کو سعودی عرب کو بیچ کر اس ملک میں اپنا اثر و رسوخ بڑھانے کا فیصلہ کیا ہے۔
پچھلے کچھ سالوں میں جب سے یمنی مجاہدین نے مختلف سطح سے سطح تک مار کرنے والےبیلسٹک میزائل اور ڈرون بنانے اور استعمال کرنے کی ٹکنالوجی حاصل کی ہے ، اس خطے میں سعودی جارحیت پسندوں اور ان کے اتحادیوں کے ستارے گردش میں نظر آرہے ہیں ۔

واضح رہے کہ سعودیوں کا ایک مسئلہ مہنگے پیٹریاٹ میزائل دفاعی نظام کی ناکامی ہے جو ابھی تک یمنی مجاہدین کے حملوں کے خلاف بہتر کارکردگی کا مظاہرہ نہیں کرسکا ہے لہذا سعودی یمنیوں کا مقابلہ کرنے کے لئے ایک اور فضائی دفاعی نظام کو استعمال کرنے کے درپے ہیں۔

یہ بات صیہونیوں نے بہت اچھی طرح بھانپ لی ہے تبھی انھوں نے سعودیوں کو نام نہاد آئرن ڈوم لگانے کی پیش کش کی، البتہ اس تجویز کو پیش کرنے میں صہیونی عہدیداروں کا بنیادی ہدف آل سعود کے ساتھ کسی سمجھوتہ تک پہنچنا ہے ، اسی طرح کا اقدام صیہونیوں نے پچھلے سال15ستمبرکو سابق امریکی صدر ڈونلڈ ٹرمپ کی ثالثی کے ساتھ متحدہ عرب امارات کے ساتھ تعلقات قائم اور سمجھوتہ کرنے میں کیا تھاجس کے بعد بحرین نے بھی انھیں کے قدموں پر قدم رکھا۔

صیہونی اخبار یدیؤت آہرونٹ نے دو دن قبل اعلان کیا تھا کہ اسرائیل جلد ہی سعودی عرب کو ایک بہت ہی دلچسپ پیش کش کرے گا، عبرانی زبان کے اخبار کے مطابق امریکہ کا خطے سے اپنے دفاعی نظام واپس لینے پر اصرار اسرائیل کو ایک موقع فراہم کرتا ہے کہ وہ امریکی نظاموں کی جگہ سعودی عرب اور متحدہ عرب امارات میں اپنے آئرن ڈوم کو لگائے اگرچہ سعودی عرب نے غیر فعال اور مہنگے امریکی پیٹریاٹ دفاعی نظاموں کے انخلا کے اعلان کے بعد 10 کے قریب یمنی ڈرونوں کو مار گرانے کا دعوی کیا ہے لیکن یقینی طور پر اس میں یمنی مجاہدین کے میزائلوں اور ڈرونوں کا مقابلہ کرنے کی اتنی صلاحیت نہیں ہےاور 14 ستمبر ، 2019 کو سعودی تیل کی تنصیبات پر حملے کی کہانی کو دہرا یا جاسکتا ہے۔

یادرہے کہ اسرائیلی نائب وزیر اعظم اور وزیر خارجہ یئرلاپڈ کے متحدہ عرب امارات کے دورہ کے موقع پر شائع ہونے والے اس کالم میں اس بات پر زور دیا گیا ہے کہ اسرائیل اور خلیج فارس کے جنوبی خطے کے ممالک کے مابین تعاون حاصل کیا جاسکتا ہے جس میں متحدہ عرب امارات اور بحرین کو مشترکہ مفادات کی بنیاد پر دیکھا جاسکتا ہے اور اب جب اس خطے سے امریکی میزائل دفاعی نظام واپس لیا جارہا ہے تو اسرائیل کو ان کی جگہ آئرن ڈوم سسٹم پیش کرنے کی پیش کش کرنی چاہئے۔

قابل ذکر ہے کہ صہیونی حکام کی جانب سے سعودی عرب میں صیہونی حکومت کے فضائی دفاعی نظام کو پیٹریاٹ سسٹم کی جگہ تبدیل کرنے کی تجویز ایسے وقت میں دی جارہی ہے جبکہ21 مئی کو ختم ہونے والی 12 روزہ جنگ میں فلسطینی اسلامی مزاحمت کے 4000 میزائلوں کے خلاف صیہونی حکومت کی فوج بہت غیر موثر رہی جس کا اس ریاست کے حکام نے بھی اعتراف کیا۔

 

مشہور خبریں۔

ٹرمپ کی انتخاباتی مہم کی چاشنی؛ ایران کے خلاف ہرزہ سرائی

?️ 5 اکتوبر 2024سچ خبریں: ریپبلکن پارٹی کے صدارتی امیدوار ڈونلڈ ٹرمپ نے ایران کے

یمنی جنگ میں سعودی عرب کے گھناؤنے جرائم پر ایک نظر

?️ 9 فروری 2022سچ خبریں:   سعودی عرب کی قیادت میں عرب جارح اتحاد سات سال

امریکہ نے جولانی کا نام پابندیوں کی فہرست سے کیا خارج 

?️ 10 نومبر 2025سچ خبریں: امریکی محکمہ خارجہ کے نائب ترجمان ٹامی پیگاٹ نے اعلان کیا

صہیونی متحدہ عرب امارات کی حمایت کرنے سے عاجز

?️ 1 فروری 2022سچ خبریں: عبدالباری عطوان نے اسرائیلی صدر اسحاق ہرزوگ کے حالیہ دورہ متحدہ

چین، روس اور ایرانی ہیکرز اے آئی ٹولز استعمال کررہے ہیں، مائیکروسافٹ کا انکشاف

?️ 15 فروری 2024سچ خبریں: مائکروسافٹ کی رپورٹ میں انکشاف کیا گیا ہے کہ روس،

امریکہ سائبر اسپیس میں خطرناک کھیل کھیل رہا ہے:روس

?️ 12 جون 2022سچ خبریں:روس کی وزارت خارجہ کے ایک سینئر سائبر ماہر نے امریکہ

موساد کے 15 جاسوس ترکی میں گرفتار

?️ 22 اکتوبر 2021سچ خبریں: ترک انٹیلی جنس سروس ترک سکیورٹی فورسز نے صیہونی حکومت کو

آئینی حق کے مطابق عامر لیاقت سے طلاق ہوچکی ہے:  طوبی انور

?️ 26 فروری 2022کراچی (سچ خبریں )پاکستان شوبز انڈسٹری کی اداکارہ سیدہ طوبیٰ انور نے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے