ٹرمپ کی انتخاباتی مہم کی چاشنی؛ ایران کے خلاف ہرزہ سرائی

?️ 5 اکتوبر 2024

سچ خبریں: ریپبلکن پارٹی کے صدارتی امیدوار ڈونلڈ ٹرمپ نے ایران کے خلاف ایک بار پھر الزامات عائد کرتے ہوئے امریکی صدر جو بائیڈن کی ایران پالیسیوں کو تنقید کا نشانہ بنایا ہے، ان کا دعویٰ ہے کہ ایران کے پرامن جوہری پروگرام سے حقیقی مسائل پیدا ہوں گے۔

اسکائی نیوز کی رپورٹ کے مطابق، سابق امریکی صدر ڈونلڈ ٹرمپ نے فاکس نیوز کو دیے گئے ایک انٹرویو میں بائیڈن کے اس بیان کو پاگل پن قرار دیا، جس میں انہوں نے کہا تھا کہ اسرائیل کو ایران کے جوہری تنصیبات پر حملہ نہیں کرنا چاہیے، ٹرمپ نے کہا کہ میں نے اب تک ان کی جتنی بھی باتیں سنی ہیں یہ ان میں سے سب سے بے وقوفانہ بات ہے۔

یہ بھی پڑھیں: کیا آئندہ امریکی صدر ٹرمپ ہوں گے؟

یہ بیان اس وقت سامنے آیا جب ایران نے منگل کے روز اسرائیل پر میزائل حملہ کیا اور اگلے ہی دن امریکی صدر بائیڈن نے اعلان کیا کہ وہ ایران کی جوہری تنصیبات پر اسرائیل کے حملے کے خلاف ہیں۔

بائیڈن نے یہ بھی کہا کہ جی سیون ممالک اسرائیل کے دفاع کے حق کی حمایت کرتے ہیں لیکن جواب متناسب ہونا چاہیے۔

ٹرمپ نے اپنی انتخابی مہم کے دوران، خاص طور پر مشی گن ریاست میں ایک ریلی سے قبل، جو بائیڈن اور ان کی نائب، کمالا ہیرس پر کڑی تنقید کی۔

انہوں نے خبردار کیا کہ اگر کملا ہیرس آئندہ انتخابات میں کامیاب ہوئیں تو دنیا جل جائے گی۔

مزید پڑھیں:غزہ سے یوکرین تک بائیڈن کی ناکام حکمت عملی

ٹرمپ کے یہ بیانات انتخابی مہم کے دوران حمایت حاصل کرنے کی ایک کوشش کے طور پر دیکھے جا رہے ہیں، جس میں انہوں نے ایران کے جوہری پلانٹ کو بڑا خطرہ قرار دیتے ہوئے بائیڈن کی ایران پالیسی کو غلط ٹھہرایا۔