سعودی اور امریکی مشترکہ فوجی مشقیں

🗓️ 11 اگست 2022

سچ خبریں:سعودی عرب اپنی افواج کی جنگی صلاحیت کو بڑھانے کے لیے امریکہ کے ساتھ مشترکہ فوجی مشق کر رہا ہے۔
سعودی اخبار عکاظ کی رپورٹ کے مطابق سعودی عرب کی میزبانی میں سعودی میرینز اور ان کے امریکی ہم منصب 22ویں”سرپرائزنگ فیوری مشترکہ مشق میں شرکت کے لیے ینبع بندرگاہ میں داخل ہوئے۔

رپورٹ کے مطابق یہ مشق ینبہ (مشرق) اور الخرج (مرکز) صوبوں میں منعقد کی جائے گی،اس ہفتے کے وسط میں شروع ہونے والی اور کئی دنوں تک جاری رہنے والی اس مشق میں سعودی اور امریکی افواج کے درمیان کئی مشقیں شامل ہیں۔

سعودی ذرائع کے مطابق یہ مشق سعودی افواج اور ان کے امریکی ہم منصبوں کے درمیان دوطرفہ پروگراموں کے نفاذ میں شراکت کو مضبوط بنانے کے لیے منعقد کی گئی ہے،سعودی اخبار نے امریکی فوجیوں کے ینبع کی بندرگاہ میں داخل ہونے کے طریقے کا ذکر نہیں کیا کیونکہ امریکہ نے گزشتہ سال ستمبر میں دعویٰ کیا تھا کہ اس نے اپنی افواج (جنہوں نے یمن کے مظلوم عوام کے خلاف جنگ میں حصہ لیا تھا) کو سعودی عرب سے واپس بلا لیا ہے۔

یہی وجہ ہے کہ سعودی حکام مشقوں میں حصہ لینے کے امریکی افواج کے اس ملک میں داخلے کے طریقہ کو بیان کرنے کے قاصر ہیں اس لیے کہ حقیقت امریکی دعوؤں کے برعکس ہے۔