سعودی اتحاد ہمارے تیل کے جہازوں کو چھوڑنے میں تاخیر کر رہا ہے: یمن

?️ 8 اپریل 2022

سچ خبریں:بحیرہ احمر کی یمنی بندرگاہوں کی تنظیم کے نائب صدر نے اعلان کیا کہ سعودی اتحاد کی جانب سے ہمارے تیل کے جہازوں کو چھوڑنے میں تاخیر جاری ہے۔
المسیرہ چینل کی رپورٹ کے مطابق بحیرہ احمر کی بندرگاہوں کی اتھارٹی کے نائب صدر یحییٰ شرف الدین نے اس بات پر زور دیا کہ سعودی امریکی جارح اتحاد ضبط شدہ تیل کے جہازوں کی رہائی میں مسلسل تاخیر کر رہا ہے،رپورٹ کے مطابق، بحیرہ احمر کی بندرگاہوں کی تنظیم کے نائب سربراہ نے کہا کہ ابھی بھی ہماری بحری جہاز دشمن کے قبضے میں یہ اور سعودی اتحاد ان کی رہائی میں تاخیر کر رہا ہے۔

انہوں نے سعودی اتحاد کے قبضے میں لیے گئے پیٹرول کے حامل جہاز قیصر کے بارے میں کہا کہ ہمارے لیے راس عیسیٰ کی بندرگاہ پر اس جہاز کو خالی کرنا ممکن ہے لیکن دشمن اسے روک رہے ہیں، یاد رہے کہ چند ماہ قبل یمنی آئل کمپنی کے ترجمان عصام المتوکل نے اعلان کیا تھا کہ سعودی جارح اتحاد کی بحریہ نے قیصر نامی ایک پیٹرول بردار جہاز کو الحدیدہ کی بندرگاہ میں داخل ہونے سے روک دیا ہے۔

دریں اثنا یمن کے لیے اقوام متحدہ کے خصوصی ایلچی ہانس گرنڈبرگ نے یمن میں جنگ بندی کے آغاز اور فوجی کارروائیوں کے خاتمے کا اعلان کرتے ہوئے کہا کہ سعودی اتحاد معاہدے کی شرائط کے مطابق حملے روکنے اور صنعا کے ایندھن کو آزاد کرنے سے گریزاں ہے۔