دو دن سے ہم پر میزائلوں کی بارش ہو رہی ہے؛صیہونی فوج کا اعتراف

?️ 12 مئی 2021

سچ خبریں: صیہونی فوج نے ایک بیان میں کہا ہے کہ غزہ کی پٹی میں مزاحمتی گروپوں کے ساتھ دو روز تک لڑائی کے دوران مقبوضہ علاقوں پر ایک ہزار سے زیادہ راکٹ اور میزائل داغے گئے جس میں کم از کم پانچ صہیونی ہلاک ہوگئے۔
غزہ کی پٹی پر اسرائیلی توپخانے اور جنگی طیاروں کے وحشیانہ اور مجرمانہ حملوں اور بے گناہ فلسطینیوں کے قتل کے بعد صیہونی فوج نے اعلان کیا ہے کہ غزہ کی پٹی سے گذشتہ دو دن میں ایک ہزار سے زیادہ راکٹ اور میزائل فائر کیے گئے تھے،یادرہے کہ فلسطینی بچوں کی قاتل صیہونی فوج کے جاری کردہ ایک بیان میں دعوی کیا گیا ہے کہ گذشتہ دو روز کے دوران صیہونی حکومت کے لڑاکا طیاروں ، ہیلی کاپٹروں اور توپ خانوں نے غزہ کی پٹی میں 500 سے زیادہ ٹھکانوں کو نشانہ بنایا ہے۔

صیہونی حکومت کا دعوی ہے کہ ان اہداف کا تعلق اسلامی جہادی تحریکوں اور فلسطینی اسلامی مزاحمتی تحریک "حماس” سے تھا، اسرائیلی فوج کی ویب سائٹ کے مطابق بیان میں دعوی کیا گیا ہے کہ غزہ کی پٹی میں مزاحمتی گروپوں کے ٹھکانوں پر صیہونی حکومت کے وسیع پیمانے پر حملوں کے نتیجے میں غزہ کی پٹی میں مزاحمتی گروپوں کے درجنوں ارکان ہلاک اور 200 سے زائد زخمی ہوگئے ہیں۔

تاہم اس کے جواب میں تل ابیب میں فلسطینی مزاحمتی گروپوں کے ذریعہ فائر کیے گئے نئے راکٹوں سے حیرت زدہ صہیونیوں نے ایک دھمکی آمیز بیان میں اپنی کھوئی ہوئی ساکھ دوبارہ بحال کرنے کی کوشش کرتے ہوئے کہا کہ ہم نے یہودا اور سامریہ (مغربی پٹی)میں سے اب تک درجنوں فلسطینیوں کو گرفتار کرلیاہے،درایں اثنا شکست خوردہ اسرائیلی فوج نے اعتراف کیا کہ فلسطینیوں کے راکٹ حملوں میں کم از کم 5 صہیونی ہلاک اور 100 سے زیادہ زخمی ہوئے ہیں

انہوں نے بتایا کہ غزہ کی پٹی سے مقبوضہ علاقوں میں تقریبا 1050 راکٹ اور میزائل داغے گئے ہیں، تل ابیب نے اعتراف کیا کہ ان کا فضائی دفاعی نظام جس کی صلاحیتوں پربار بار انھوں نے فخر کیا ہے وہ صرف ایک ہزار میزائلوں اور راکٹوں میں سے کچھ ہی کو روکنے میں کامیاب ہوا اور باقی نے مقبوضہ علاقوں کو نشانہ بنایا۔