دشمن کی کسی بھی حماقت کا دندان شکن جواب دینے کے لیے تیار ہیں:ایرانی فوج کے سربراہ

?️ 16 مارچ 2022

سچ خبریں:ایرانی فوج کے سربراہ میجر جنرل موسوی نے کہا کہ اگر دشمن نے دین اسلام کے خلاف اور ایران کے ملکی و قومی اقتدار کے خلاف کوئی اقدام کیا تو اسے منہ توڑ جواب دیا جائے گا۔
اسلامی جمہوریہ ایران کی فوج کے سربراہ میجر جنرل سید عبدالرحیم موسوی نےایک تقریب سے خطاب کرتے ہوئے کہا کہ ہم دشمن کا استقامت اور بہادری کے ساتھ مقابلہ کریں گے۔

انھوں نے کہا کہ ہم عالمی سطح پر سعادت اور خوشبختی کے خواہاں ہیں لیکن اگر دشمن نے دین اسلام کے خلاف اور ایران کے ملکی و قومی اقتدار کے خلاف کوئی اقدام کیا تو اسے منہ توڑ جواب دیا جائے گا اور ہم دشمن کا استقامت ، بہادری اور دلیری کے ساتھ مقابلہ کریں گے۔

میجر جنرل موسوی نے ایرانی فوجی اہلکاروں کو ایمان کے اسلحہ سے مسلح قراردیتے ہوئے کہا کہ ایرانی فوجی ایمان کے ہتھیار سے مسلح ہونے کے ساتھ ساتھ آج دنیا کے پیشرفتہ ہتھیاروں سے بھی لیس ہیں اور ہم دشمن کی ہر حماقت کا منہ تو ڑجواب دینے کے لئے ہمہ وقت آمادہ ہیں اور اس کا دشمن کو بھی اعتراف ہے یہی وجہ ہے کہ وہ ہمارے خلاف کوئی بھی حماقت کرنے سے پہلے ہزار بار سوچتا ہے۔