خان یونس کے اسکولوں پر امریکی گولہ بارود سے بمباری

11 جولائی 2024

سچ خبریں: امریکی سی این این ٹی وی نے اعلان کیا ہے کہ صیہونی حکومت نے غزہ کی پٹی میں خان یونس کے اسکولوں پر بمباری میں امریکی گولہ بارود استعمال کیا۔

الجزیرہ نیوز نیٹ ورک نے لکھا ہے کہ سی این این نیوز نیٹ ورک نے اپنی ایک رپورٹ میں اعلان کیا ہے کہ غزہ کی پٹی کے جنوب میں خان یونس کے اسکولوں پر بمباری میں تل ابیب نے جو گولہ بارود استعمال کیا ہے وہ امریکہ نے بنایا تھا۔

اس امریکی ٹی وی چینل نے مزید کہا کہ وہ جائے حادثہ سے حاصل ہونے والی تصاویر اور گولہ بارود کے ماہر کے معائنے کے بعد اس نتیجے پر پہنچا ہے۔

گزشتہ روز فلسطینی پناہ گزینوں کو رہائش پذیر اسکولوں پر بمباری کے نتیجے میں 30 سے زائد افراد ہلاک اور درجنوں زخمی ہوگئے تھے۔

اس سے پہلے CNN نے صیہونی حکومت کی طرف سے غزہ کی پٹی کے مرکز میں واقع نصرت کیمپ میں ایک سکول پر بمباری سے متعلق ویڈیوز کا جائزہ لیتے ہوئے اعلان کیا تھا کہ یہ جرم بھی امریکی ساختہ گولہ بارود کے استعمال سے ہوا ہے۔ اس جرم میں 40 سے زائد فلسطینی مارے گئے۔