جولانی عناصر کے ہاتھوں سابق شامی مفتی پر تشدد

سچ خبریں: شام کی قومی آزادی پارٹی کے ایک عہدیدار محمود الموالدی نے تصدیق کی ہے کہ ملک کے سابق مفتی شیخ احمد بدرالدین حسون، جنہیں ابومحمد جولانی کے حامی عناصر نے حراست میں لیا تھا، کی صحت کی حالت انتہائی خراب ہے۔

الموالدی کے مطابق، شیخ حسون کی یہ خراب صحت جولانی کے عناصر کی جانب سے ان پر حراست کے دوران ڈھائے گئے تشدد کا نتیجہ ہے۔ انہوں نے بتایا کہ فی الحال شیخ حسون کو میڈیا کی نظروں سے دور شام کے ایک گھر میں منتقل کر دیا گیا ہے جہاں ان کی جسمانی حالت نہایت ابتر ہے۔

واضح رہے کہ شیخ احمد بدرالدین حسون کو کئی ماہ قبل جولانی کے عناصر نے گرفتار کیا تھا۔ قابل غور بات یہ ہے کہ شیخ حسون کی گرفتاری کی قانونی وجوہات غیر واضح ہیں، کیونکہ وہ شام کی سابق حکومت کے مفتی کے طور پر خدمات انجام دیتے رہے ہیں اور ان کا کوئی فوجی یا انتظامی عہدہ نہیں تھا۔